ທ່ານໂມຊາ ຟາກີ ປະທານຄະນະກຳມະການສະຫະພາບອາຟຣິກກາຢືນຢັນໃນວັນທີ 25 ມັງກອນນີ້ວ່າ: ແຜ່ນດິນໃຫຍ່ອາຟຣິກກາຈະບໍ່ມິດງຽບຕໍ່ຖ້ອຍຄຳທີ່ບໍ່ຖືກຕ້ອງໃນການເວົ້າດູຖູກປະເທດອາຟຣິກກາຂອງປະທານາທິບໍດີອາເມລິກາ.
ສື່ມວນຊົນສຳຄັນຫຼາຍສຳນັກຂອງອາເມລິກາໄດ້ລາຍງານວ່າ: ໃນເວລາທ່ານໂດນັນ ທຣຳ ປະທານາທິບໍດີອາເມລິກາຫາລືການປະຕິຮູບລະບົບຊາວອົບພະຍົບກັບສະມາຊິກລັດຖະສະພາບາງທ່ານໃນວັນທີ 11 ມັງກອນນີ້, ທ່ານທຣຳໄດ້ກ່າວເຖິງປະເທດໄຮຕີແລະປະເທດອາຟຣິກກາໂດຍດທ້ວງຖາມວ່າ ເປັນຫຍັງອາເມລິກາຈິ່ງຕ້ອງຮັບເອົາຊາວອົບພະຍົບຈາກປະເທດ "ເປີເປື້ອນ"ເຫຼົ່ານີ້ ທັງຢືນຢັນວ່າ ອາເມລິກາຄວນຮັບເອົາຊາວອົບພະຍົບຈາກປະເທດອື່ນຄືນັອກແວໃຫ້ຫຼາຍຂຶ້ນ.
ຖ້ອຍຄຳດັ່ງກ່າວຂອງທ່ານໂດນັນທຣຳໄດ້ຖືກບຸກຄົນໃນລັດຖະບານແລະສັງຄົມອາເມລິກາກໍຄືປະຊາຄົມໂລກາຕຳໜິຢ່າງຮຸນແຮງ.