ວັນທີ 26 ມັງກອນນີ້, ກະຊວງການເງິນອາເມລິກາໄດ້ປະກາດໃຊ້ມາດຕະການຂວ້ຳບາດຕໍ່ວິສາຫະກິດ 9 ແຫ່ງ ແລະ 21ຄົນ, ເພື່ອເພີ່ມຄວາມກົດດັນຕໍ່ຣັດເຊຍໃນບັນຫາອຸຍແກຼນ ແລະກຼຶມ.
ມື້ດຽວກັນ, ເຈົ້າໜ້າທີ່ກະຊວງການເງິນອາເມລິກາຖະແຫຼງວ່າ, ຈຸດປະສົງຂອງມາດຕະການຂວ້ຳບາດຮອບໃໝ່ແມ່ນເພື່ອ ຮັກສາຄວາມກົດດັນທາງຂວ້ຳບາດຕໍ່ຣັດເຊຍ, ຈົນຮອດຣັດເຊຍປະຕິບັດຕາມສັນຍາມິນສ໌ກ໌ຢ່າງເຕັມສ່ວນ.
ສຳລັບເລື່ອງນີ້, ຕອນຄ່ຳວັນທີ 26 ມັງກອນນີ້, ກະຊວງການຕ່າງປະເທດຣັດເຊຍໄດ້ອອກຖະແຫຼງການໃນເວັບໄຊທາງການວ່າ, ອາເມລິກາຢາກຢຸດຕິການໄປມາຫາສູ່ກັນດ້ານເສດຖະກິດ ແລະດ້ານອື່ນໆກັບຣັດເຊຍນັ້ນເປັນສິດທິຂອງອາເມລິກາ, ຣັດເຊຍກໍຈະສະຫງວນສິດທິຕອບໂຕ້ຄືນ. ການຂວ້ຳບາດຂອງອາເມລິກາ ຈະບໍ່ມີຄວາມໝາຍຫຍັງເລີຍ, ຫາກຈະເຮັດໃຫ້ວິສາຫະກິດຂອງອາເມລິກາປະສົບຜົນເສຍຫາຍດ້ານເສດຖະກິດ.
ນັບແຕ່ຕົ້ນປີ 2014 ເປັນຕົ້ນມາ, ໂດຍປິ່ນອ້ອມບັນຫາອຸຍແກຼນ ແລະ ບັນຫາກຼຶມ, ອາເມລິກາ ແລະ ຣັດເຊຍໄດ້ໃຊ້ມາດຕະການຂວ້ຳບາດຕໍ່ກັນ, ຈົນເຮັດໃຫ້ການພົວພັນລະຫວ່າງສອງປະເທດຕົກເຂົ້າສູ່ສະພາບເຄັ່ງຕຶງ.