ວັນທີ 29 ມັງກອນນີ້, ອົງການພັດທະນາເສດຖະກິດດີຈີຕອນ ແລະ ອຳນາດການປົກຄອງນະຄອນຫຼວງກົວລາລຳເປີຂອງມາເລເຊຍໄດ້ປະກາດນຳເຂົ້າ "ສະໝອງຕົວເມືອງ" ຂອງບໍລິສັດອາລີບາບາຄລາວດ໌ຄອມພິວເຕີຈຳກັດ ເພື່ອນຳໃຊ້ເຕັກນິກຫຸ່ນຍົນອັດສະຣິຍະ ຫຼື AI ເຂົ້າໃນຂົງເຂດຄຸ້ມຄອງຄົມມະນາຄົມ, ວາງແຜນຜັງເມືອງ, ການອະນຸລັກສິ່ງແວດລ້ອມ ແລະ ອື່ນໆ.
ໃນໄລຍະທຳອິດ, ເຕັກນິກຫຸ່ນຍົນອັດສະຣິຍະຈະຖືກນຳໃຊ້ຢູ່ຕາມທາງແຍກ 281 ແຫ່ງໃນນະຄອນຫຼວງກົວລາລຳເປີ ເພື່ອໃຫ້ລົດສາມາດຜ່ານປາກທາງໄປໄວ ແລະ ຫຼຸດຜ່ອນສະພາບລົດຕິດດ້ວຍການບັນຊາໄຟແດງຈາກທາງໄກ. ຂະນະທີ່ເກີດສະພາບກະທັນຫັນ, ເຕັກນິກດັ່ງກ່າວຍັງສາມາດຄວບຄຸມສະພາບຄົມມະນາຄົມໂດຍລວມ ເພື່ອເປີດ "ຊ່ອງທາງສີຂຽວ" ໃຫ້ແກ່ລົດຮັບມືສຸກເສີນ. ນອກນີ້, ລະບົບຫຸ່ນຍົນອັດສະຣິຍະຍັງສະໜອງຂໍ້ມູນຫຼັກອ້າງອີງ ແລະ ຂໍ້ສະເໜີໃຫ້ແກ່ການແກ້ໄຂອຸບັດເຫດຄົມມະນາຄົມ ແລະ ປັບປຸງສະພາບຄົມມະນາຄົມໃຫ້ດີຂຶ້ນ.