ອາເມລິກາແລະກາຕາໄດ້ຈັດການເຈລະຈາຍຸດທະສາດຮອບທຳອິດໃນວັນທີ 30 ມັງກອນນີ້ຢູ່ນະຄອນຫຼວງວໍຊິງຕັນ ສະຫະລັດອາເມລິກາໂດຍສອງຝ່າຍຢືນຢັນວ່າຈະເພີ່ມການຮ່ວມມືຮັກສາຄວາມໝັ້ນຄົງແລະຕ້ານການກໍ່ການຮ້າຍ.
ໃນວັນດັ່ງກ່າວ, ທ່ານເຣັສ ຕີເລີຊັນ ລັດຖະມົນຕີກະຊວງການຕ່າງປະເທດອາເມລິກາ, ທ່ານເຈັມສ ມາຕິສ ລັດຖະມົນຕີກະຊວງປ້ອງກັນປະເທດອາເມລິກາແລະທ່ານໂມຮາເມັດ ລັດຖະມົນຕີກະຊວງການຕ່າງປະເທດກາຕາ, ທ່ານຮາລິດ ອາຕີຢາ ລັດຖະມົນຕີກະຊວງປ້ອງກັນປະເທດກາຕາໄດ້ເຂົ້າຮ່ວມການເຈລະຈາ. ສອງຝ່າຍໄດ້ຮ່ວມກັນລົງນາມໃນຖະແຫຼງການການຮ່ວມວ່າດ້ວຍການເພີ່ມການຮ່ວມມືດ້ານຄວາມໝັ້ນຄົງໃນພາກພື້ນແລະບົດບັນທຶກຄວາມເຂົ້າໃຈວ່າດ້ວຍການປາບປາມການຄ້າມະນຸດ ພ້ອມທັງຢືນຢັນວ່າຈະຫັນກົນໄກເຈລະຈາຍຸດທະສາດໃຫ້ເປັນປົກກະຕິ.
ທ່ານຕີເລີຊັນແລະທ່ານມາຕິສໄດ້ຮຽກຮ້ອງໃຫ້ບັນດາຝ່າຍໃນເຫດການຕັດສາຍພົວພັນທາງການທູດກັບກາຕານັ້ນຮັກສາຄວາມອົດກັ້ນເພື່ອຮ່ວມກັນສະແຫວງຫາວິທີແກ້ໄຂບັນຫາດັ່ງກ່າວ.