ກະຊວງຄວາມສະຫງົບຫວຽດນາມປະກາດໃນວັນທີ 30 ມັງກອນຜ່ານມາວ່າ, "ລັດຖະບານແຫ່ງຊາດຫວຽດນາມຊົ່ວຄາວ" ທີ່ມີສຳນັກງານໃຫຍ່ຕັ້ງຢູ່ອາເມລິການັ້ນເປັນກຸ່ມກໍ່ການຮ້າຍ.
ເວັບໄຊຂອງກະຊວງປ້ອງກັນຄວາມສະຫງົບຫວຽດນາມແຈ້ງວ່າ, ການກະທຳໃດໆທີ່ເຂົ້າຮ່ວມ, ໂຄສະນາແລະຍຸຍົງຜູ້ອື່ນເຂົ້າຮ່ວມອົງການ "ລັດຖະບານແຫ່ງຊາດຫວຽດນາມຊົ່ວຄາວ", ສະໜອງເງິນທຶນຫຼືຮັບເອົາການຊ່ອຍເຫຼືອແລະເຂົ້າຮ່ວມການເຄື່ອນໄຫວອົບຮົມທີ່ຈັດຂຶ້ນໂດຍອົງການດັ່ງກ່າວ, ປະຕິບັດຄຳສັ່ງຂອງອົງການດັ່ງກ່າວລ້ວນແຕ່ແມ່ນອາຊະຍະກຳກໍ່ການຮ້າຍຫຼືອາຊະຍະກຳຊ່ອຍເຫຼືອລັດທິກໍ່ການຮ້າຍ, ຈະຖືກລົງໂທດຕາມກົດໝາຍຂອງຫວຽດນາມ.
ວັນທີ 8 ເມສາປີ 2017, ສະມາຊິກອົງການດັ່ງກ່າວໄດ້ໂຍນລະເບີດນ້ຳມັນເຊື້ອໄຟໃສ່ສະຖານທີ່ຮັກສາລົດທີ່ກັກໄດ້ຈາກຜູ້ລະເມີດລະບຽບຈະລາຈອນຂອງພະແນກຕຳຫຼວດເມືອງບິນຮົ໋ວແຂວງດົງນາຍທາງພາກໃຕ້ຫວຽດນາມ, ສົ່ງຜົນເຮັດໃຫ້ລົດ 320 ຄັນຖືກທຳລາຍ; ຕໍ່ມາໃນວັນທີ 22 ເມສາປີ 2017, ອົງການດັ່ງກ່າວໄດ້ຕັ້ງລະເບີດນ້ຳມັນເຊື້ອໄຟຢູ່ສະໜາມບິນສາກົນເຕີນເຊີນເຍິດນະຄອນໂຮຈືມິ່ງ, ແລະເຈຕະນາເຜົາທຳລາຍອົງການພັກລັດແລະວິສາຫະກິດຈຳນວນໜຶ່ງ, ແຕ່ຖືກພາກສ່ວນທີ່ກ່ຽວຂ້ອງຫວຽດນາມສະກັດກັ້ນໄດ້ທັນເວລາ.