ວັນທີ 1 ກຸມພານີ້, ທ່ານຊໍເທ ໂຄສົກລັດຖະບານມຽນມາກ່າວວ່າ: ໃນຕອນເຊົ້າມື້ດຽວກັນ, ມີຊາຍຄົນໜຶ່ງໄດ້ໂຍນລະເບີດນ້ຳມັນໃສ່ເຮືອນຂອງທ່ານນາງ ອອງຊານຊູຈີ່ ທີ່ປຶກສາລັດຖະບານມຽນມາ, ແຕ່ບໍ່ມີໃຜໄດ້ຮັບບາດເຈັບ.
ທ່ານຊໍເທກ່າວຕື່ມວ່າ: ສະພາບໄຟໄໝ້ເຮືອນທ່ານນາງ ອອງຊານຊູຈີ່ບໍ່ຮຸນແຮງປານໃດ, ພວກເຮົາສາມາດດັບໄຟໄວ້ໄດ້ຢ່າງທັນການ ແລະບໍ່ມີໃຜໄດ້ຮັບບາດເຈັບ.
ເວລາເກີດເຫດ, ທ່ານນາງ ອອງຊານຊູຈີ່ກຳລັງຢູ່ນະຄອນຫຼວງເນປີດໍ.
ເຈົ້າໜ້າທີ່ຕຳຫຼວດໄດ້ເປີດເຜີຍຮູບພາບຂອງຜູ້ກໍ່ເຫດ ເຊິ່ງເປັນຜູ້ຊາຍທີ່ມີອາຍຸປະມານ 40 ປີ, ແລະມີຮູບຮ່າງອ່າວຕຸ້ຍ. ຕຳຫຼວດໄດ້ຮຽກຮ້ອງໃຫ້ປະຊາຊົນຊ່ວຍເຫຼືອຈັບຜູ້ກໍ່ເຫດຄັ້ງນີ້ໂດຍໄວ.