ກະຊວງການຕ່າງປະເທດຊີຣີ ໄດ້ອອກຖະແຫຼງການໃນວັນທີ 1 ກຸມພານີ້ ໂດຍສະແດງຄວາມຊົມເຊີຍຕໍ່ໝາກຜົນທີ່ໄດ້ຮັບໃນກອງປະຊຸມເຈລະຈາທົ່ວປະເທດ ແລະເຫັນວ່າ, ຖະແຫຼງການຂອງກອງປະຊຸມຈະສ້າງພື້ນຖານອັນໝັ້ນແກ່ນໃຫ້ແກ່ການເລີ່ມຕົ້ນການເຈລະຈາແລະສົນທະນາຕ່າງໆ.
ຖະແຫຼງການລະບຸວ່າ, ຖະແຫຼງການປະສົມຂອງກອງປະຊຸມສະແດງໃຫ້ເຫັນວ່າ, ຊາວຊີຣີ ໄດ້ມີຄວາມເປັນເອກະພາບກັນກ່ຽວກັບ "ການປົກປັກຮັກສາອະທິປະໄຕ, ຄວາມເປັນເອກະພາບ ແລະຜືນແຜ່ນດິນອັນຄົບຖ້ວນຂອງຊາດ" ແລະ "ມີແຕ່ປະຊາຊົນຊີຣີເທົ່ານັ້ນ ຈຶ່ງສາມາດຕັດສິນລະບອບການເມືອງແລະເສດຖະກິດຂອງຊາດໄດ້", ພ້ອມທັງເນັ້ນເຖິງການຮັກສາບົດບາດສຳຄັນຂອງກອງທັບແລະກຳລັງປະກອບອາວຸດ.
ເພື່ອຊຸກຍູ້ການເຈລະຈາສັນຕິພາບກ່ຽວກັບບັນຫາຊີຣີຢູ່ເຊີແນວແລະຂະບວນວິວັດສັນຕິພາບພາຍໃນປະເທດຊີຣີ, ສາມປະເທດຄື ຣັດເຊຍ, ຕວກກີ ແລະອີຣານ ໄດ້ລິເລີ່ມໄຂກອງປະຊຸມເຈລະຈາທົ່ວປະເທດຊີຣີ ແລະໄດ້ອັດລົງຢູ່ເມືອງໂຊຊີ ພາກໃຕ້ຣັດເຊຍໃນຕອນຄ່ຳວັນທີ 30 ມັງກອນຜ່ານມາ ແລະ ຝ່າຍຕ່າງໆທີ່ຮ່ວມປະຊຸມ ໄດ້ອອກຖະແຫຼງການຮ່ວມ ແລະສານຮຽກຮ້ອງ ທັງຕົກລົງສ້າງຕັ້ງຄະນະກຳມະການລັດຖະທຳມະນູນຊີຣີ.