ຕາມຂ່າວCRI: ໂຄງການທີ 2 ທີ່ປະຕິບັດຢູ່ປາກີສະຖານໂດຍນຳໃຊ້ກອງທຶນຊ່ວຍເຫຼືອການຮ່ວມມືໃຕ້ໆຈີນ, ຄື:ໂຄງການຊ່ວຍເຫຼືອເຂດຊົນເຜົ່າສະຫະພັນແລະແຂວງບາໂລຊິສຕັນໄດ້ຈັດພິທີລົງມືປະຕິບັດຢູ່ນະຄອນຫຼວງອິສລາມາບັດຂອງປາກີສະຖານໃນວັນທີ 2 ກຸມພານີ້.
ໂຄງການນີ້ແມ່ນກະຊວງການຄ້າຈີນສະໜອງ 4 ລ້ານໂດລາໃຫ້ແກ່ກົມແຜນການພັດທະນາຂອງອົງການສະຫະປະຊາຊາດດ້ວຍກອງທຶນຊ່ວຍເຫຼືອການຮ່ວມມືໃຕ້ໆ, ສະໜັບສະໜູນຕໍ່ວຽກງານການຈັດວາງດ້ານຊີວິດການເປັນຢູ່ຂອງ 8100 ຄອບຄົວຢູ່ເຂດຊົນເຜົ່າສະຫະພັນຂອງປາກີສະຖານຖາຍຫຼັງໄດ້ກັບຄືນບ້ານເກີດເມືອງນອນ. ນອກນີ້, ໂຄງການນີ້ຍັງໄດ້ສະໜອງສິ່ງກໍ່ສ້າງຂອງຫ້ອງຮຽນ, ເຄື່ອງໃຊ້ຂອງອາຈານແລະນັກຮຽນຂອງ ໂຮງຮຽນ 375 ແຫ່ງຢູ່ແຂວງບາໂລຊີຕານຂອງປາກີສະຖານ, ຄາດວ່າຈະມີການຊ່ວຍເຫຼືອຕໍ່ນັກຮຽນ 1 ໝື່ນ 9 ພັນກວ່າຄົນ. ປັດຈຸບັນນີ້, ໂຄງການນີ້ໄດ້ສຳເລັດວຽກງານການກະກຽມດ້ານການປະຕິບັດ, ຄາດວ່າໃນເດືອນເມສາໜ້ານີ້ຈະສຳເລັດການຈັດຊື້ແລະການແປ່ງບັນຂອງວັດຖຸການຊ່ວຍເຫຼືອທັງໝົດ.