ຄະນະບໍລິຫານງານອົງການປົດປ່ອຍປາເລັສຕິນໄດ້ຕັດສິນໃນຄືນວັນທີ 3 ກຸມພານີ້ວ່າ: ຈະຈັດຕັ້ງປະຕິບັດມະຕິຄະນະບໍລິຫານງານສູນກາງອົງການຕົນໃນການຮຽກຮ້ອງໃຫ້ລັດຖະບານປາເລັສຕິນຕັດການຕິດຕໍ່ພົວພັນກັບອິສຣາແອນຢ່າງຮອບດ້ານ.
ຄືນວັນທີ 3 ກຸມພານີ້, ຄະນະບໍລິຫານງານອົງການປົດປ່ອຍປາເລັສຕິນໄດ້ຈັດກອງປະຊຸມຢູ່ທຳນຽບປະທານາທິບໍດີເມືອງຣາມາລາ ໂດຍການເປັນປະທານຂອງທ່ານມາເມັດ ອັບບັສ ປະທານາທິບໍດີປາເລັສຕິນ ແລະໄດ້ອອກຖະແຫຼງຂ່າວຫຼັງກອງປະຊຸມວ່າ: ຄະນະບໍລິຫານງານຕົກລົງສ້າງຕັ້ງຄະນະກຳມະການຂັ້ນສູງເພື່ອຕິດຕາມແລະເລັ່ງໃຫ້ລັດຖະບານຕັດສາຍພົວພັນກັບອິສຣາແອນໃນດ້ານການເມືອງ,ການບໍລິຫານ,ເສດຖະກິດແລະຄວາມໝັ້ນຄົງຢ່າງຮອບດ້ານແລະທັນທີຈົນກວ່າອິສຮາແອນຮັບຮອງປະເທດປາເລັສຕິນບົນພື້ນຖານເສັ້ນຊາຍແດນທີ່ຂີດໄວ້ເມື່ອປີ 1967 ແລະປະລະແຜນການຍຶດເອົາເຢຣູຊາແລັມຕາເວັນອອກ ແລະຢຸດຕິການສ້າງຈຸດຕັ້ງຖິ່ນຖານຊາວຢິວຢູ່ເຂດຝັ່ງຕາເວັນຕົກແມ່ນ້ຳຊັອກດານີ.
ຖະແຫຼງການເນັ້ນວ່າ: ສິດທິປະຊາຊົນກໍຄືຜົນປະໂຫຍດປະເທດປາເລັສຕິນເດັດຂາດບໍ່ອະນຸຍາດໃຫ້ລ່ວງລ້ຳ, ລັດຖະບານອາເມລິກາບໍ່ຄວນາຕໍ່ລອງຫຼືນາບຂູ່ປາເລັສຕິນໃນບັນຫານີ້ ແລະຄວນຢຸດຕິການເຂົ້າຂ້າງອິສຮາແອນຢ່າງຫຼັບຫູຫຼັບຕາ.