ພິທີລະນຶກວັນສ້າງຕັ້ງສະມາຄົມສົ່ງເສີມການທ້ອນໂຮມເຂົ້າເປັນເອກະພາບໂດຍສັນຕິຈີນຄົບຮອບ 30 ປີແລະພິທີສະເຫຼີມສະຫຼອງປີໃໝ່ 2018 ຂອງສະມາຄົມສົ່ງເສີມການທ້ອນໂຮມຈີນເຂົ້າເປັນເອກະພາບໂດຍສັນຕິຂອງຊາວຈີນຕ່າງດ້າວແລະຊາວຍີ່ປຸ່ນເຊື້ອສາຍຈີນທົ່ວປະເທດຍີ່ປຸ່ນໄດ້ຈັດຂຶ້ນຢູ່ນະຄອນຫຼວງໂຕກຽວປະເທດຍີ່ປຸ່ນໃນວັນທີ 3 ກຸມພານີ້ ໂດຍຜູ້ຕາງໜ້າຊາວຈີນແລະຊາວຍີ່ປຸ່ນເຊື້ອສາຍຈີນຜູ້ຮັກຊາດທີ່ຫ່ວງໃຍການພັດທະນາໂດຍສັນຕິຂອງສອງຝັ່ງຊ່ອງແຄບໄຕ້ຫວັນໄດ້ທົບທວນຄືນປະຫວັດສາດແລະເບິ່ງອະນາຄົດໂດຍຫວັງວ່າໃນປີໃໝ່ 2018 ນີ້ຈະປະກອບສ່ວນເຂົ້າໃນພາລະກິດທີ່ຍິ່ງໃຫຍ່ແຫ່ງການທ້ອນໂຮມປະເທດຊາດເຂົ້າເປັນເອກະພາບໂດຍສັນຕິໃຫ້ຫຼາຍກວ່າເກົ່າ.
ທ່ານລິງຊິງກວ່າງ ປະທານສະມາຄົມສົ່ງເສີມການທ້ອນໂຮມຈີນເຂົ້າເປັນເອກະພາບໂດຍສັນຕິຂອງຊາວຈີນແລະຊາວຍີ່ປຸ່ນເຊື້ອສາຍຈີນທົ່ວປະເທດຍີ່ປຸ່ນໄດ້ປະກອບຄຳເຫັນໃນພິທີດັ່ງກ່າວວ່າ: ພວກເຮົາຕ້ອງສາມັກຄີກຳລັງທຸກດ້ານທັງພາຍໃນແລະຕ່າງປະເທດໃນການຕັ້ງໜ້າເຄື່ອນໄຫວເພື່ອຄັດຄ້ານໄຕ້ຫວັນເປັນເອກະລາດແລະບັນລຸການທ້ອນໂຮມປະເທດຊາດເຂົ້າເປັນເອກະພາບໂດຍສັນຕິ.