ວັນທີ 2 ກຸມພານີ້, ທ່ານມູນເຈອິນ ປະທານາທິບໍດີສ.ເກົາຫຼີໄດ້ສົນທະນາກັບທ່ານໂດນັນ ທຣຳ ປະທານາທິບໍດີອາເມລິກາຜ່ານທາງໂທລະສັບ, ສອງຝ່າຍກ່າວວ່າຈະຮ່ວມມືຢ່າງສະໜິດແໜ້ນ, ຮັບປະກັນງານກິລາໂອແລມປິກລະດູໜາວແລະງານກິລາໂອແລມປິກຄົນພິການລະດູໜາວພຽງຊາງທີ່ຈະເລີ່ມຈັດຂຶ້ນໃນອາທິດໜ້ານັ້ນດຳເນີນໄປຢ່າງສຳເລັດຜົນ.
ອີງຕາມການແຈ້ງຂ່າວຂອງທຳນຽບປະທານາທິບໍດີສ.ເກົາຫຼີ, ຕອນຄ່ຳວັນທີ 2 ກຸມພານີ້, ຜູ້ນຳສຸດຍອດສອງປະເທດອາເມລິກາກັບສ.ເກົາຫຼີໄດ້ລົມຜ່ານທາງໂທລະສັບເປັນເວລາ 30 ນາທີ, ໂດຍໄດ້ເປິກສາຫາລືການຈັດງານກິລາໂອແລມປິກລະດູໜາວພຽງຊາງແລະບັນຫາແຫຼມເກົາຫຼີ, ແລະໄດ້ແລກປ່ຽນຄວາມເຫັນກ່ຽວກັບສະຖານະການຂອງແຫຼມເກົາຫຼີພາຍຫຼັງງານກິລາໂອແລມປິກລະດູໜາວສິ້ນສຸດລົງ.
ທ່ານມູນເຈອິນກ່າວວ່າ, ຫວັງໃຫ້ຖືງານກິລາໂອແລມປິກລະດູໜາວພຽງຊາງເປັນໂອກາດດີເພື່ອຊຸກຍູ້ການຮັກສາທ່ວງທ່າການສົນທະນາລະຫວ່າງເໜືອໃຕ້ ສືບຕໍ່ກັນໄປ, ປະກອບສ່ວນເຂົ້າໃນການສ້າງສັນຕິພາບຂອງແຫຼມເກົາຫຼີ.