ພິທີມອບຮັບສອງໂຄງການເພື່ອປະຊາຊົນເມືອງກິຣິວົງ ແຂວງຕາແກ້ວປະເທດກຳປູເຈຍເຊິ່ງໄດ້ຮັບທຶນຊ່ວຍເຫຼືອຈາກມູນນິທິຈີນເພື່ອສັນຕິພາບແລະການພັດທະນາ ໄດ້ຈັດຂຶ້ນຢູ່ເມືອງດັ່ງກ່າວໃນວັນທີ 4 ກຸມພານີ້ ແລະສອງໂຄງການນີ້ປະກອບດ້ວຍອາຄານຮຽນສອງຊັ້ນ 12 ຫ້ອງຮຽນ ຂອງໂຮງຮຽນມັດທະຍົມປາຍແຫ່ງໜຶ່ງ ແລະໂຄງການຊົນລະປະທານຂອງເມືອງດັ່ງກ່າວ.
ທ່ານນາງຢີສຽວຊ່ວນ ຮອງເລຂາທິການໃຫຍ່ປະຈຳການຂອງມູນນິທິຈີນເພື່ອສັນຕິພາບແລະການພັດທະນາຢືນຢັນວ່າ: ການປະຕິບັດສອງໂຄງການນີ້ແມ່ນເພື່ອເຮັດໃຫ້ຄວາມປາຖະໜາຂອງສົມເດັດຊົກອັນ ຮອງນາຍົກລັດຖະມົນຕີກຳປູເຈຍກາຍເປັນຄວາມຈິງທີ່ໄດ້ຂໍຄວາມຊ່ວຍເຫຼືອຈາກຈີນເພື່ອສ້າງໂຄງການເພື່ອຜົນປະໂຫຍດຂອງປະຊາຊົນແຂວງຕາແກ້ວຕອນສົມເດັດຍັງມີຊີວິດຢູ່ ທັງເປັນໂຄງການທີ່ສ້າງຄວາມສົມບູນພູນສຸກໃຫ້ແກ່ປະຊາຊົນກຳປູເຈຍນຳອີກ.
 |
