ທ່ານບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດລາວ ໄດ້ຕ້ອນຮັບທ່ານໄຊ້ໝິງຈ້າວ ຜູ້ອຳນວຍການໃຫຍ່ສຳນັກຂ່າວສານຊິນຮວາ ໂອກາດເດີນທາງເຂົ້າຮ່ວມເວທີປຶກສາຫາລືການຮ່ວມມືຈີນ-ລາວໃນຂອບ "ໜຶ່ງແລວທາງໜຶ່ງເສັ້ນທາງ" ຄັ້ງທຳອິດ ຢູ່ນະຄອນຫຼວງວຽງຈັນໃນວັນທີ 3 ກຸມພານີ້.
ໂອກາດນີ້, ທ່ານບຸນຍັງ ວໍລະຈິດ ໄດ້ສະແດງຄວາມຊົມເຊີຍຕໍ່ຜົນສຳເລັດຂອງເວທີປຶກສາຫາລືດັ່ງກ່າວ ແລະກ່າວວ່າ: ເວທີປຶກສາຫາລືຄັ້ງນີ້ມີຄວາມໝາຍສຳຄັນທາງປະຫວັດສາດ ເຊິ່ງໄດ້ສະແດງໃຫ້ເຫັນເຖິງຈິດໃຈແຫ່ງບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມທີ່ດີ ແລະສາຍພົວພັນຄູ່ຮ່ວມມືທີ່ແໜ້ນແຟ້ນແລະໝັ້ນແກ່ນລະຫວ່າງລາວ-ຈີນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ໄດ້ເດີນທາງຢ້ຽມຢາມລາວທາງລັດຖະກິດແລະປະສົບຜົນສຳເລັດເປັນຢ່າງສູງໃນເດືອນພະຈິກປີຜ່ານມາ ໂດຍທ່ານສີຈິ້ນຜິງ ໄດ້ເນັ້ນໃຫ້ຈີນແລະລາວເປັນຄູ່ຮ່ວມຊາຕາກຳ ທີ່ຈະຕ້ອງພັດທະນາແລະກ້າວໜ້າຮ່ວມກັນ. ສະນັ້ນ, ລັດຖະບານ ແລະ ສື່ມວນຊົນສອງປະເທດ ຄວນຮ່ວມມືກັນເພື່ອບັນລຸເປົ້າໝາຍດັ່ງກ່າວ.