ຫວ່າງມໍ່ໆມານີ້, ງານຮ້ອງເພງແລະລຳເພື່ອສະຫຼອງບຸນກຸດຈີນມ່ວນຊື່ນ 2018 ແລະການສ້າງສາຍພົວພັນທາງການທູດລະຫວ່າງສອງປະເທດຄົບຮອບ 60 ປີທີ່ສະຖານທູດຈີນປະຈຳກຳປູເຈຍແລະກະຊວງສິລະປະແລະວັດທະນະທຳກຳປູເຈຍຮ່ວມກັນເປັນເຈົ້າພາບໄດ້ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍ ໂດຍສິລະປິນຂອງສອງປະເທດໄດ້ຮ່ວມກັນທຳການສະແດງ ທີ່ດີເດັ່ນໃຫ້ແກ່ຜູ້ຊົມ.
ທ່ານ ເພືອງສັກໂກນາ ລັດຖະມົນຕີກະຊວງສິລະປະແລະວັດທະນະທຳກຳປູເຈຍກ່າວວ່າ:ການໄປມາຫາສູ່ກັນທີ່ມີໄມຕີຈິດມິດຕະພາບລະຫວ່າງກຳປູເຈຍ-ຈີນໄດ້ສ້າງຜົນປະໂຫຍດທີ່ແທ້ຈິງໃຫ້ແກ່ປະຊາຊົນຂອງສອງປະເທດ,ທັງເປັນການປະກອບສ່ວນຕໍ່ສັນຕິພາບແລະການພັດທະນາຂອງພາກພື້ນແລະຂອງໂລກ. ຄະນະລຳແລະເພງບົວລະພາຈີນຢ້ຽມຢາມກຳປູເຈຍແລະຮ່ວມກັບສິລະປິນກຳປູເຈຍຈັດການສະແດງ ເປັນການຕອບສະໜອງຂອງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ. ທ່ານກ່າວຕື່ມວ່າ: ຂ້າພະເຈົ້າຮູ້ສຶກດີໃຈຫຼາຍທີ່ສາມາດຮ່ວມກັບອ້າຍນ້ອງຊາວຈີນຢູ່ກຳປູເຈຍຮ່ວມກັນສະຫຼອງບຸນກຸດຈີນທີ່ເປັນບຸນປະເພນີຂອງຈີນ.