ວັນທີ 3 ກຸມພານີ້, ຫ້ອງການກວດຄົນເຂົ້າອອກເມືອງ ແລະກັກກັນພະຍາດເມືອງພີງຊຽງເຂດກວາງຊີຈີນເປີດເຜີຍວ່າ: ໃນປີ 2017, ຫ້ອງການຕົນໄດ້ກວດສິນຄ້າ ແລະສິ່ງຂອງຕ່າງໆເຂົ້າຊາຍແດນໄດ້ 19386 ງວດ, ເພີ່ມຂຶ້ນ 1,3% ທຽບໃສ່ໄລຍະດຽວກັນ ເຊິ່ງມີມູນຄ່າ 5 ຕື້ 436 ລ້ານ 6 ແສນ 7 ໝື່ນ 7 ພັນໂດລາສະຫະລັດ, ເພີ່ມຂຶ້ນ 39,1%. ສິນຄ້າຕົ້ນຕໍແມ່ນຜະລິດຕະພັນກະສິກຳ, ໝາກໄມ້ເຂດຮ້ອນ ແລະສິນຄ້າຫຼັກອື່ນໆຂອງບັນດາປະເທດອາຊຽນ.
ພະນັກງານຫ້ອງການດັ່ງກ່າວແຈ້ງໃຫ້ຮູ້ວ່າ: ປະລິມານການນຳເຂົ້າໝາກລຳໄຍແມ່ນຫຼາຍທີ່ສຸດ ແລະການນຳເຂົ້າໝາກທຸລຽນຂອງໄທກໍ່ມີລະດັບເພີ່ມສູງຂຶ້ນຫຼາຍທີ່ສຸດ. ການນຳເຂົ້າຜັກ ແລະອາຫານກໍມີຄວາມຄືບໜ້າໃໝ່ ຄື ໝາກເຜັດຖືກນຳເຂົ້າເປັນຄັ້ງທຳອິດ ແລະປະລິມານນຳເຂົ້າເຂົ້າໜົມຫວຽດນາມກໍເພີ່ມຂຶ້ນຢ່າງຫຼວງຫຼາຍເຊັ່ນດຽວກັນ.