ໃນໄລຍະບຸນກຸດຈີນ2018ຕາມຈັນທະຄະຕິຈີນ,ຫຼາຍແຫ່ງຂອງໄທຈະຈັດເທດສະການບຸນກຸດຈີນໂດຍຈະມີງານວາງສະແດງ, ການສະແດງສິລະປະວັນນະຄະດີ,ການສຳຜັດວັດທະນະທຳຈີນ, ການຊິມອາຫານຈີນແລະກິດຈະກຳອື່ນໆເພື່ອຕ້ອນຮັບປີໃໝ່ກຸດຈີນທີ່ຈະມາເຖິງ.
ອົງການທ່ອງທ່ຽວແຫ່ງຊາດໄທເປີດເຜີຍໃນວັນທີ 5 ກຸມພານີ້ວ່າ: ເທດສະການບຸນກຸດຈີນປະເທດໄທຈະຈັດຂຶ້ນເລີ່ມແຕ່ວັນທີ 13 ກຸມພານີ້ເປັນຕົ້ນໄປໂດຍຈະກວມເອົານະຄອນຫຼວງບາງກອກແລະເມືອງທ່ອງທ່ຽວທີ່ມີຊື່ສຽງຕ່າງໆເປັນຕົ້ນ ຊຽງໃໝ່, ພູເກັດ, ນະຄອນສະຫວັນ,ອຸດອນທານີແລະອື່ນໆ. ສິລະປິນ100ກວ່າທ່ານຈາກ 9 ເຂດແຂວງຂອງຈີນຈະນຳເອົາການສະແດງທີ່ໜ້າປະທັບໃຈໄປໃຫ້ປະຊາຊົນໄທກໍຄືນັກທ່ອງທ່ຽວໄດ້ຊົມເປັນຕົ້ນການຟ້ອນ,ດົນຕີພື້ນເມືອງ,ອູຊູ້,ງີ້ວ,ລະຄອນຫຸ່ນກະບອກແລະອື່ນໆເພື່ອຮ່ວມກັບປະຊາຊົນໄທສະຫຼອງບຸນກຸດຈີນຢ່າງເບີກບານມ່ວນຊື່ນ. ນອກຈາກການສະແດງການຮ້ອງເພງແລະການຟ້ອນແບບຈີນແລ້ວ, ກະຊວງວັດທະນະທຳຈີນຍັງໄດ້ແຕ່ງຕັ້ງຄະນະຜູ້ແທນພໍ່ຄົວແມ່ຄົວອາຫານຈີນຈາກເມືອງຮາງໂຈ່ວໄປຮ່ວມກິດຈະກຳໃນຄັ້ງນີ້ໂດຍປະຊາຊົນໄທຈະມີໂອກາດຊິມອາຫານເມືອງຮາງໂຈ່ວທີ່ເຄີຍບໍລິການຢູ່ກອງປະຊຸມສຸດຍອດກຸ່ມ G20 ທີ່ເມືອງຮາງໂຈ່ວຈີນ.