ວັນທີ 5 ກຸມພານີ້, ທ່ານ ເກີງສວງ ໂຄສົກກະຊວງການຕ່າງປະເທດຈີນກ່າວວ່າ: ຈີນມີຄວາມໝັ້ນໃຈຕໍ່ການຮ່ວມກັບອາຊຽນຊຸກຍູ້ການປຶກສາຫາລືກ່ຽວກັບກົດແຫ່ງການປະພຶດຢູ່ທະເລຈີນໃຕ້ຫຼື COC ຢ່າງຕັ້ງໜ້າ,ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
ທ່ານ ເກີງສວງ ກ່າວວ່າ: ມີຄຳສຸພາສິດຂອງຈີນເວົ້າວ່າ: "ເປັດຮູູ້ລະດູໃບໄມ້ປົ່ງທີ່ຈະມາເຖິງກ່ອນໝູ່ຍ້ອນລອຍນ້ຳ ເພາະນ້ຳອຸ່ນຂຶ້ນຕາມລະດູການ" ໃນນີ້ກໍ່ໝາຍຄວາມວ່າສະຖານະການຂອງພາກພື້ນເປັນຄືແນວໃດ ແຕ່ລະປະເທດຢູ່ໃນພາກພື້ນນີ້ຮູ້ດີທີ່ສຸດ. "ຈີນໄດ້ຕີລາຄາຢ່າງຕັ້ງໜ້າຕໍ່ທ່າທີທີ່ກ່ຽວຂ້ອງຂອງລັດຖະມົນຕີການຕ່າງປະເທດສິງກະໂປ ທ່ານວີວຽນ ບາລາຄຣິສນານທີ່ໄດ້ສ່ອງແສງໃຫ້ເຫັນເຖິງສະຖານະການທະເລຈີນໃຕ້ໃນປັດຈຸບັນພັດທະນາໄປໃນທາງທີ່ດີຢ່າງໝັ້ນທ່ຽງ." ທ່ານກ່າວວ່າ: ຈີນມີຄວາມໝັ້ນໃຈຮ່ວມກັບ ອາຊຽນສືບຕໍ່ຈັດຕັ້ງປະຕິບັດຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້ຢ່າງຮອບດ້ານແລະມີປະສິດທິຜົນ, ຊຸກຍູ້ການປຶກສາຫາລືກ່ຽວກັບກົດແຫ່ງການປະພຶດຢູ່ທະເລຈີນໃຕ້ຢ່າງຕັ້ງໜ້າ,ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
 |
