ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ​ສະ​ແດງ​ຄວາມ​ເປັນ​ຫ່ວງ​ຕໍ່​ສະ​ຖາ​ນະ​ການ​ປາ​ແລັ​ສ​ຕິນ​ກັບ​ອິ​ສ​ຣາ​ແອນ
2018-02-06 16:43:22  cri 
ທ່ານ​ອັນ​ໂຕ​ນີ​​ໂອ ກູ​ເຕີ​ເຣັສ ​ເລຂາທິການ​ໃຫຍ່​ອົງການ​ສະຫະ​ປະຊາ​ຊາດ​ສະ​ແດງ​ຄວາມ​ເປັນ​ຫ່ວງ​ຕໍ່​ສະ​ຖາ​ນະ​ການ​ປາ​ແລັ​ສ​ຕິນ​ກັບ​ອິ​ສ​ຣາ​ແອນ​ໃນ​ວັນ​ທີ 5 ກຸມ​ພາ​ນີ້, ແລະ​ຮຽກ​ຮ້ອງ​ໃຫ້​ປະ​ຊາ​ຄົມ​ໂລກ​ສືບ​ຕໍ່​ແກ້​ໄຂ​ບັນ​ຫາ​ການ​ປະ​ທະ​ກັນ​ລະ​ຫວ່າງ​ສອງ​ປະ​ເທດ​ໂດຍ​ອີງ​ຕາມ "ແຜນ​ການ​ສ້າງ​ເປັນ​ສອງ​ປະ​ເທດ".

ທ່ານ ກູ​ເຕີ​ເຣັສ ກ່າວ​ວ່າ, ການ​ກະ​ທຳ​ຂອງ​ອິ​ສ​ຣາ​ແອນ​ທີ່​ສືບ​ຕໍ່​ສ້າງ​ຈຸດ​ຕັ້ງ​ຖິ່ນ​ຖານ​ຢູ່​ເຂດ​ຝັ່ງ​ຕາ​ເວັນ​ຕົກ​ແມ່​ນ້ຳ​ຈໍ​ແດນ​ໄດ້​ລະ​ເມີດ​ມະ​ຕິ​ທີ່​ກ່ຽວ​ຂ້ອງ​ຂອງ​ອົງ​ການ​ສະ​ຫະ​ປະ​ຊາ​ຊາດ​ແລະ​ກົດ​ໝາຍ​ສ​າ​ກົນ, ​ທັງ​ເປັນ​ການ​ກະ​ທຳ​ທີ່​ລະ​ເມີດ​ກົດ​ໝາຍ​ແລະ​ສິ່ງ​ກີດ​ຂວາງ​ສຳ​ຄັນ​ທີ່​​ຈະບັນ​ລຸ​ສັນ​ຕິ​ພາບ. ທ່ານ​ກ່າວ​ວ່າ, ການ​ກະ​ທຳ​ຄວາມ​ຮຸນ​ແຮງ​ແລະ​ຍຸ​ຍົງ​ການ​ກະ​ທຳ​ຄວາມ​ຮຸນ​ແຮງ​ຈະ​ສືບ​ຕໍ່​ເພີ່ມ​ຄວາມ​ຢ້ານ​ກົວ​ແລະ​ບໍ່​ມີ​ຄວາມເຊື້ອ​���ັ້ນ.

ຫວ່າງ​ມໍ່ໆ​ມາ​ນີ້, ອາ​ເມ​ລິ​ກາ​ໄດ້​ຫຼຸດ​​ການ​ຊ່ວຍ​ເຫຼືອ​ຕໍ່​ສຳ​ນັກ​ງານ​ກໍ່​ສ້າງ​ໂຄງ​ການ​ແລະ​ກອບ​ກູ້​ຊາວ​ອົບ​ພະ​ຍົບ​ປາ​ແລັ​ສ​ຕິນ​ຂອງ​ອົງ​ການ​ສະ​ຫະ​ປະ​ຊາ​ຊາດ​ຢ່າງ​ຫຼວງ​ຫຼາຍ, ທ່ານ ກູ​ເຕີ​ເຣັສ ໄດ້​ສະ​ແດງ​ຄວາມ​ເປັນ​ຫ່ວງ​ຢ່າງສູງ​ຕໍ່​ເລື່ອງ​ນີ້. ທ່ານ​ກ່າວ​ວ່າ, ການ​ຂາດ​ເງິນ​ທຶນ​ຢ່າງ​ໜັກ​ຈະ​ກະ​ທົບ​ເຖິງ​ຄວາມ​ສາ​ມາດ​ຂອງ​ອົງ​ການ​ດັ່ງ​ກ່າວ​ໃນ​ການ​ສະ​ໜອງ​ວຽກ​ງານການ​ສຶກ​ສາ​ແລະ​ບໍ​ລິ​ການ​ປິ່ນ​ປົວ​ພະ​ຍາດ​ໃຫ້​ແກ່​ຊາວ​ອົບ​ພະ​ຍົບ​ປາ​ແລັ​ສ​ຕິນ. ສະ​ພາບ​ການ​ດັ່ງ​ກ່າວ​ບໍ່​ພຽງ​ແຕ່​ກະ​ທົບ​ເຖິງ​ຊາວ​ປາ​ແລັ​ສ​ຕິນ​ຢູ່​ເຂດ​ຕາ​ເວັນ​ອອກ​ກາງເທົ່າ​ນັ້ນ, ​ຍັງ​ກະ​ທົບ​ເຖິງ​ຄວາມ​ໝັ້ນ​ຄົງ​ຂອງ​ເຂດ​ຕາ​ເວັນ​ອອກ​ກາງ​ທັງ​ໝົດ​ອີກ​ດ້ວຍ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ