ສື່ມວນຊົນອິນໂດເນເຊຍລາຍງານໃນວັນທີ 6 ກຸມພານີ້ວ່າ: ທ່ານໂທມັສ ຕຣິຄາຊິງ ເລັມບົງ ປະທານຄະນະກຳມະການປະສານງານການລົງທຶນອິນໂດເນເຊຍຢືນຢັນເມື່ອມໍ່ໆນີ້ວ່າ: ຜົນງານດ້ານການສົ່ງອອກຂອງອິນໂດເນເຊຍເມື່ອທຽບໃສ່ປະເທດໃກ້ຄຽງເຊັ່ນ ມາເລເຊຍແລະໄທຖືວ່າມີໜ້ອຍທີ່ສຸດ, ສ່ວນການເພີ່ມການສົ່ງອອກກໍຕ້ອງເອົາໃຈໃສ່ການດຶງດູດແລະນຳໃຊ້ທຶນຕ່າງປະເທດໂດຍສະເພາະຕ້ອງເພີ່ມທະວີການດຶງດູດການລົງທຶນຈາກຈີນ.
ທ່ານໂທມັສຊີ້ໃຫ້ເຫັນວ່າ: ຈີນລົງທຶນໃນຂະແໜງການຜະລິດສິນຄ້າສຳເລັດຮູບຂອງອິນໂດເນເຊຍ,ສົ່ງເສີມການຜະລິດສິນຄ້າທີ່ເປັນວັດຖຸດິບທີ່ມີມູນຄ່າເພີ່ມໜ້ອຍນັ້ນຫັນເປັນຜະ ລິດຕະພັນທີ່ມີມູນຄ່າເພີ່ມສູງທັງເພີ່ມການສົ່ງອອກ, ຕົວຢ່າງເຊັ່ນ ແຕ່ກ່ອນ ປະເທດຕົນສົ່ງອອກແຮ່ນິເກນ ແຕ່ປັດຈຸບັນສາມາດສົ່ງອອກຜະລິດຕະພັນສະເຕນເລດ ຈົນຈະກາຍເປັນປະເທດສົ່ງອອກສະເຕນເລດໃຫຍ່ອັນດັບ 3 ຂອງໂລກກໍອາດເປັນໄປໄດ້. ທ່ານໂທມັສຢືນຢັນວ່າ ຈາກການສັນຍາວ່າຈະລົງທຶນຮອດການລົງທຶນໃນຕົວຈິງໃນການປຸງແຕ່ງແລະຜະລິດ, ຢ່າງໜ້ອຍຕ້ອງໃຊ້ເວລາ 2ຫາ 3 ປີ, ແຕ່ເບິ່ງໃນໄລຍະຍາວນານແລ້ວການລົງທຶນເຫຼົ່ານີ້ມີຄວາມໝາຍສຳຄັນຫຼາຍຕໍ່ການເພີ່ມການສົ່ງອອກຂອງອິນໂດເນເຊຍ.
 |
