ທ່ານລຽວຕົ່ງໄລ ລັດຖະມົນຕີກະຊວງຄົມມະນາຄົມມາເລເຊຍ ຢືນຢັນໃນວັນທີ 7 ກຸມພານີ້ວ່າ: ເຮືອ "ໂອເຊິນອິນຟີນີຕີ" ຈາກບໍລິສັດສຳຫຼວດພື້ນທະເລອາເມລິກາ ທີ່ພວມຊອກຄົ້ນຫາຍົນໂດຍສານຖ້ຽວບິນ MH370 ນັ້ນບໍ່ໄດ້ຫາຍສາບສູນ ແລະ ປັດຈຸບັນຍັງສືບຕໍ່ຊອກຄົ້ນຢູ່.
ເຮືອລຳດັງກ່າວໄດ້ເລີ່ມສືບຕໍ່ຊອກຄົ້ນຫາຍົນໂດຍສານຖ້ຽວບິນ MH370 ໃນເດືອນມັງກອນປີນີ້ ແຕ່ສື່ມວນຊົນລາຍງານວ່າ ເຮືອລຳດັ່ງກ່າວໄດ້ຫາຍສາບສູນໃນທ້າຍເດືອນຜ່ານມາເປັນເວລາ 3 ມື້ຢ່າງກະທັນຫັນ ແຕ່ທ່ານລຽວຕົ່ງໄລ ຢືນຢັນວ່າ: ເຮືອລຳດັ່ງກ່າວບໍ່ໄດ້ຫາຍສາບສູນ, ແຕ່ໄດ້ກັບຄືນທ່າເຮືອເພື່ອສ້ອມແປງ ແລະ ປະກອບເຄື່ອງຈຳເປັນຈຳນວນໜຶ່ງໃສ່ເຮືອ ສະນັ້ນ, ຈຶ່ງໄດ້ປິດລະບົບຈຳແນກອັດຕະໂນມັດ.
