ຕາມຂ່າວ CRI: ວັນທີ 7 ກຸມພານີ້ຢູ່ນະຄອນຫຼວງປັກກິ່ງ, ທ່ານລິວສຽວມິງ ຮອງລັດຖະມົນຕີກະຊວງຄົມມະນາຄົມແລະຂົນສົ່ງຈີນກ່າວວ່າ, ຈີນພວມເລັ່ງຄັດເລືອກລົດຂົນສົ່ງລຸ້ນເກົ່າທີ່ໃຊ້ພະລັງງານຫຼາຍແລະປ່ອຍມົນລະພິດຫຼາຍອອກຈຳນວນໜຶ່ງ, ເພື່ອສົ່ງເສີມໃຫ້ນຳໃຊ້ລົດພະລັງງານໃໝ່ໃນຂົງເຂດລົດເມ, ລົດຕັກຊີແລະລົດຂົນສົ່ງສິນຄ້າ. ແລະຄາດວ່າຮອດປີ 2020, ຂະແໜງການຂົນສົ່ງຂອງຈີນຈະມີລົດໃຊ້ພະລັງງານໃໝ່ 6 ແສນຄັນ.
ຂ່າວແຈ້ງວ່າ, ມາຮອດທ້າຍປີ 2017, ຈີນມີລົດເມໃຊ້ພະລັງງານໃໝ່ໄດ້ບັນລຸເຖິງ 2 ແສນຄັນແລ້ວ.