ຈີນຫວັງວ່າສາຍພົວພັນອາເມລິກາ ແລະ ສປປ ເກົາຫຼີຈະໄດ້ຮັບຄວາມກ້າວໜ້າເປັນຢ່າງດີ
2018-02-08 17:47:37 cri
ຕາມຂ່າວCRI: ມໍ່ໆມານີ້, ສະພາບການຢູ່ແຫຼມເກົາຫຼີມີຄວາມໂຍະຍານຢ່າງໜ້າພໍໃຈ, ສປປ ເກົາຫຼີ ແລະ ສ ເກົາຫຼີໄດ້ດຳເນີນການເຈລະຈາຫຼາຍເທື່ອໂດຍຖືໂອກາດງານໂອແລມປິກລະດູໜາວພຽງຊາງ, ແຕ່ໃນໄລຍະງານໂອແລມປິກນີ້, ອາເມລິກາ ແລະ ສປປ ເກົາຫຼີອາດຈະດຳເນີນການເຈລະຈາຫຼືບໍ່? ຕໍ່ບັນຫາດັ່ງກ່າວ, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ: ປັດຈຸບັນນີ້, ສະພາບການຢູ່ແຫຼມເກົາຫຼີມີຄວາມໂຍະຍານທີ່ຫາຍາກຫຼາຍ, ການເຈລະຈາລະຫວ່າງອາເມລິກາ ແລະ ສປປ ເກົາຫຼີໂດຍກົງຈະມີຜົນດີຕໍ່ສະພາບການດັ່ງກ່າວ ເຊິ່ງຈະຊຸກຍູ້ຂະບວນການແກ້ໄຂບັນຫາແຫຼມເກົາຫຼີໂດຍສັນຕິ. ຈີນຫວັງວ່າອາເມລິກາ ແລະ ສປປ ເກົາຫຼີຈະຖືໂອກາດນີ້ຈັດການເຈລະຈາຢ່າງຕັ້ງໜ້າ ເພື່ອຮັກສາສັນຕິພາບ ແລະຄວາມໝັ້ນຄົງໃນພາກພື້ນ.