ວັນທີ 9 ກຸມພານີ້, ທ່ານຢູກວາງໂຈ່ວ ປະທານກົມໃຫຍ່ພາສີຈີນເປີດເຜີຍຢູ່ນະຄອນຫຼວງປັກກິ່ງວ່າ:ຈີນຈະພະຍາຍາມຮ່ວມກັບປະຊາຄົມໂລກໃນການສ້າງກົດລະບຽບ,ການນຳໃຊ້ວິທະຍາສາດເຕັກໂນໂລຊີແລະດ້ານອື່ນໆເພື່ອຊຸກຍູ້ການຄ້າເອເລັກໂຕຣນິກຂ້າມຊາດໃຫ້ຂະຫຍາຍຕົວຕື່ມອີກ.
ທ່ານຢູກວາງໂຈ່ວຢືນຢັນວ່າ: ການຄ້າເອເລັກໂຕຣນິກຂ້າມຊາດເປັນຂົວຕໍ່ເຊື່ອມໂຍງການບໍລິໂພກແລະການການຜະລິດໃນທົ່ວໂລກ ທັງເປັນກຳລັງສຳຄັນໃນການທັບມ້າງລັດທິປົກປ້ອງເພື່ອຊຸກຍູ້ການຄ້າເສລີແລະສະດວກຂຶ້ນ. ປັດຈຸບັນ, ຈີນກຳລັງຮ່ວມກັບສະມາຊິກອື່ນໆຂອງອົງການດ່ານພາສີໂລກຄົ້ນຄວ້າແລະສ້າງຂອບມາດຕະຖານການຄ້າເອເລັກໂຕຣນິກຂ້າມຊາດ, ປັບປຸງກົດລະບຽບຂອງການຕິດຕາມຄຸ້ມຄອງແລະແຜນງານທີ່ສາມາດເຜີຍແຜ່ນຳໃຊ້ຢ່າງກວ້າງຂວາງໄດ້ນັ້ນໃຫ້ດີຂຶ້ນຕື່ມອີກ. ນອກນີ້,ຈີນຍັງຈະຊຸກຍູ້ດ່ານພາສີຕ່າງໆໃນໂລກແລກປ່ຽນຂໍ້ມູນຂ່າວສານ,ຮັບຮອງການຕິດຕາມຄຸ້ມຄອງເຊິ່ງກັນແລະກັນ, ຊ່ວຍເຫຼືອກັນໃນການປະຕິບັດກົດໝາຍໃນຂົງເຂດການຄ້າເອເລັກໂຕຣນິກຂ້າມຊາດ ແລະສ້າງຕັ້ງກົນໄກປະສານງານກວມລວມທີ່ມີບັນດາຝ່າຍເຂົ້າຮ່ວມນຳກັນ.
 |
