ວັນທີ 8 ກຸມພານີ້ພາຍຫຼັງຈັດການສົນທະນາຍຸດທະສາດຄັ້ງທີ 7 ລະຫວ່າງຈີນ-ສະຫະພາບອາຟຣິກາຢູ່ນະຄອນຫຼວງປັກກິ່ງ ສປ ຈີນ, ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນແລະທ່ານມູຊາ ຟາກີ ປະທານຄະນະກຳມະການສະຫະພາບອາຟຣິກາໄດ້ຮ່ວມກັນພົບປະກັບນັກຂ່າວ.
ໃນໂອກາດຕອບຄຳຖາມຂອງນັກຂ່າວກ່ຽວກັບສະຖານະການຢູ່ແຫຼມເກົາຫຼີ, ທ່ານວາງຢີ້ກ່າວວ່າ, ຫວ່າງມໍ່ໆມານີ້, ສປປ ເກົາຫຼີແລະສ ເກົາຫຼີໄດ້ປະຕິບັດຢ່າງຕັ້ງໜ້າກ່ຽວກັບງານກິລາໂອລິມປິກລະດູໜາວພຽງຊາງ, ໃນຖານະເປັນປະເທດໃກ້ຄຽງໃຫຍ່ທີ່ສຸດຂອງແຫຼມເກົາຫຼີ, ຈີນ ສະໜັບສະໜູນຕໍ່ເລື່ອງນີ້ຢ່າງຈິງໃຈທີ່ສຸດ.
ທ່ານຫວາງຢີ້ ກ່າວຕື່ມວ່າ, ຈີນຫວັງໃຫ້ຝ່າຍຕ່າງໆສືບຕໍ່ປະຕິບັດມະຕິທີ່ກ່ຽວຂ້ອງຂອງສະພາຄວາມໝັ້ນຄົງອົງການສະຫະປະຊາຊາດຢ່າງເຂັ້ມງວດ, ຢຸດການກະທຳໃດໆທີ່ເຮັດໃຫ້ຄວາມຂັດແຍ້ງກັນຮຸນແຮງຂຶ້ນເປັນການຊົ່ວຄາວ, ຮັກສາສະຖຽນລະພາບຂອງແຫຼມເກົາຫຼີຢ່າງສຸດຂີດ, ຮ່ວມກັນສ້າງບັນຍາກາດທີ່ດີແລະສ້າງເງື່ອນໄຂໃຫ້ແກ່ການເປີດການເຈລະຈາຄືນໃໝ່.
 |
