ຕາມຂ່າວ CRI: ການໂຄສະນາກ່ຽວກັບການແຂ່ງຂັນເລືອກຕັ້ງສະພາສູງຊຸດທີ 4 ຂອງກຳປູເຈຍໄດ້ເລີ່ມຂຶ້ນໃນວັນທີ 10 ກຸມພານີ້ເປັນຕົ້ນໄປ, ພັກການເມືອງຕ່າງໆທີ່ເຂົ້າຮ່ວມການແຂ່ງຂັນເລືອກຕັ້ງນັ້ນຈະແຂ່ງຂັນເອົາສຽງສະໜັບສະໜຸນໂດຍຜ່ານສື່ມວນຊົນລະດັບຊາດ. ທ່ານຮຸນແຊນ ປະທານພັກປະຊາຊົນ ນາຍົກລັດຖະມົນຕີກຳປູເຈຍກ່າວວ່າ ຈະບໍ່ສະແດງທ່າທີໃດໆຕໍ່ຜູ້ສະໝັກຮັບເລືອກຕັ້ງຂອງພັກຕົນເອງ ແລະທ່ານໄດ້ແຈ້ງຕໍ່ຄະນະກຳມະການເລືອກຕັ້ງແຫ່ງຊາດແລ້ວວ່າ ໃນໄລຍະໂຄສະນາການແຂ່ງຂັນເລືອກຕັ້ງ ທ່ານຈະສືບຕໍ່ລົງຮາກຖານໄປຢື້ຢາມຖາມຂ່າວກຳມະກອນໃນທົ່ວປະເທດໃນນາມເປັນນາຍົກລັດຖະມົນຕີ.
ຕາມຂ່າວຈາກຄະນະກຳມະການເລືອກຕັ້ງແຫ່ງຊາດກຳປູເຈຍແຈ້ງວ່າ, ເວລາໂຄສະນາການແຂ່ງຂັນເລືອກຕັ້ງສະພາສູງຊຸດນີ້ຈະຈາກວັນທີ 10-23 ກຸມພານີ້.
ຄະນະກຳມະການດັ່ງກ່າວກ່າວວ່າ, ເພື່ອສະແດງໃຫ້ເຫັນເຖິງອິສະຫຼະພາບ, ຄວາມຍຸດຕິທຳແລະຄວາມໂປ່ງໃສຂອການເລືອອກຕັ້ງ, ຄະນະກຳມະການດັ່ງກ່າວໄດ້ກຳນົດເວລາໂຄສະນາໃຫ້ແກ່ພັກການເມືອງຕ່າງໆທີ່ຈະໂຄສະນາຕົນເອງໂດຍຜ່ານສື່ມວນຊົນລະດັບຊາດ.