ທ່ານບັນກີມູນ ອະດີດເລຂາທິການໃຫຍ່ອົງການສະຫະປະຊາຊາດເຫັນວ່າງານໂອແລມປິກລະດູໜາວພຽງຊາງສາມາດຊຸກຍູ້ຄວາມປອງກອງກັນຂອງແຫຼມເກົາຫຼີຢ່າງແຂງແຮງ.
ໃນພິທີເປີດຂອງງານໂອແລມປິກລະດູໜາວພຽງຊາງ, ຄະນະຜູ້ແທນກິລາ ສປປ ເກົາຫຼີ ແລະ ສ ເກົາຫຼີດໄດ້ນຸ່ງຊຸດເປັນເອກະພາບ ແລະຈັບທຸງແຫຼມເກົາຫຼີເຂົ້າສູ່ພິທີເປີດ, ຂະນະທີ່ສອງປະເທດກໍໄດ້ປະກອບທີມກິລາຮັ໋ອກກີ້ນ້ຳກ້ອນຍິງ ເຊິ່ງຖືເປັນໝາກຜົນທີ່ສຳຄັນຂອງການທູດກິລາໂອແລມປິກ. ທ່ານບັນກີມູນຮູ້ສຶກຕື້ນຕັນໃຈຢ່າງເລິກເຊິ່ງ.
ທ່ານກ່າວຕື່ມວ່າ: ບັນຫາ ສປປ ເກົາຫຼີ ແລະ ສ ເກົາຫຼີບໍ່ພຽງແຕ່ແມ່ນບັນຫາສອງຝ່າຍເທົ່ານັ້ນ, ຍັງແມ່ນຂອງທົ່ວພາກພື້ນ. ຫຼາຍປະເທດທົ່ວໂລກລວມທັງປະເທດຈີນກໍໄດ້ເອົາໃຈໃສ່ ແລະຕຶດຕາມຢ່າງໃກ້ຊິດຕໍ່ສະຖານະພາບແຫຼມເກົາຫຼີ ແລະຄວາມເຄັ່ງຕຶງລະຫວ່າງ ສປປ ເກົາຫຼີ, ສ ເກົາຫຼີ ແລະອາເມລິກາ. ຫວັງວ່າ ສປປ ເກົາຫຼີຈະກຳໂອກາດງານໂອແລມປິກຄັ້ງນີ້ສະແດງທ່າທີ ແລະຄວາມຮັບຜິດຊອບຂອງຕົນຕໍ່ປະຊາຄົມໂລກໃຫ້ສູງຂຶ້ນ.