ແຫຼ່ງຂ່າວຈາກກະຊວງຄົມມະນາຄົມຂົນສົ່ງຈີນໃຫ້ຮູ້ໃນວັນທີ 11 ກຸມພານີ້ວ່າ ກ່ອນຈະເຖິງບຸນກຸດຈີນ 10 ມື້ຜ່ານມາ, ຈຳນວນຜູ້ໂດຍສານໃນທົ່ວປະເທດຈີນມີທ່າອ່ຽງຫຼຸດລົງ.
ກະຊວງຄົມມະນາຄົມ ໄດ້ເປີດເຜີຍວ່າ ເລີ່ມແຕ່ວັນທີ 1-10 ກຸມພານີ້, ນັບລວມແລ້ວ ບໍລິສັດຂົນສົ່ງທາງລົດໄຟ, ທາງຫຼວງ, ທາງນ້ຳ ແລະ ທາງອາກາດໃນທົ່ວປະເທດ ໄດ້ຂົນສົ່ງຜູ້ໂດຍສານ 732 ລ້ານເທື່ອຄົນ ຫຼຸດລົງ 3,31% ເມື່ອທຽບໃສ່ໄລຍະດຽວກັນຂອງປີຜ່ານມາ ໃນນີ້, ການຂົນສົ່ງທາງລົດໄຟມີເຖິງ 89 ລ້ານ 2 ແສນ 8 ໝື່ນ 5000 ເທື່ອຄົນ ເພີ່ມຂຶ້ນ 0,45%; ການຂົນສົ່ງທາງຫຼວງມີເຖິງ 618 ລ້ານເທື່ອຄົນ ຫຼຸດລົງ 4,11%; ການຂົນສົ່ງທາງນ້ຳມີເຖິງ 8 ລ້ານ 9 ແສນ 1 ໝື່ນເທື່ອຄົນ ຫຼຸດລົງ 4,33% ແລະ ທາງອາກາດ 16 ລ້ານ 1 ໝື່ນ 9100 ເທື່ອຄົນ ເພີ່ມຂຶ້ນ 9,78%.
