ລັດຖະບານລາວຈະລະດົມທຶນເພື່ອຍົກລະດັບທາງຫຼວງເລກ 13
2018-02-12 16:55:47 cri
ແຫຼ່ງຂ່າວຈາກເວັບໄຊກະຊວງການຄ້າຈີນໃຫ້ຮູ້ວ່າ: ໜັງສືພິມ "ວຽງຈັນທາມສ໌" ຂອງລາວສະບັບວັນທີ 11 ກຸມພານີ້ລາຍງານວ່າ ລັດຖະບານລາວກຽມຈະກູ້ເງິນ 40 ລ້ານໂດລາສະຫະລັດນຳທະນາຄານລົງທຶນພື້ນຖານໂຄງລ່າງອາຊີ ຫຼື AIIB, 40 ລ້ານໂດລາສະຫະລັດ ນຳທະນາຄານໂລກ ແລະ 9 ລ້ານ 5 ແສນໂດລາສະຫະລັດນຳກອງທຶນພັດທະນາເອີຣົບເໜືອ ແລະລັດຖະບານລາວຈະສົມທົບທຶນ 38 ລ້ານ 5 ແສນໂດລາສະຫະລັດ ລວມທັງໝົດ 128 ລ້ານໂດລາສະຫະລັດ ໂດຍໃຊ້ເຂົ້າໃນໂຄງການຍົກລະດັບທາງຫຼວງແຫ່ງຊາດເລກ 13 ເພື່ອຕອບສະໜອງຕາມຄວາມຕ້ອງການດ້ານການຂົນສົ່ງສິນຄ້າແລະຜູ້ໂດຍສານທີ່ນັບມື້ເພີ່ມຂຶ້ນ.