ສະໜາມບິນຊົວທາວແຕ້ຈິວເມືອງເຈ່ຢາງແຂວງກວາງຕຸ້ງຈີນ ແຈ້ງຂ່າວໃນວັນທີ 11 ກຸມພານີ້ວ່າ, ນັບແຕ່ວັນທີ 11 ກຸມພານີ້ຫາບຸນກຸດຈີນ, ເສັ້ນທາງການບິນແຕ່ເມືອງຊົວທາວແລະແຕ້ຈິວຫາບາງກອກ, ສິງກະໂປ, ພະນົມເປັນ, ພູເກັດ, ຊາບາ, ດານັງ ແລະແຫ່ງອື່ນໆໃນຊີຕາເວັນອອກສຽງໃຕ້ນັ້ນ ໄດ້ຮັບຄວາມນິຍົມຊົມຊອບທີ່ສຸດ, ຍາດຕິພີ່ນ້ອງທີ່ອາໄສຢູ່ບ່ອນເຫຼົ່ານີ້ກັບຄືນບ້ານເກີດເພື່ອຫຼິ້ນບຸນກຸດຈີນແລະຢື້ຢາມຖາມຂ່າວຍາດຕິພີ່ນ້ອງນັ້ນ ເຮັດໃຫ້ເປັນກະແສສູງໃນນໄປມາຫາສູ່ກັນຂອງຜູ້ໂດຍສານ.
ເຈົ້າໜ້າທີ່ສະໜາມບິນແຈ້ງໃຫ້ຮູ້ວ່າ, ຫຼາຍມື້ມານີ້, ຖ້ຽວບິນແຕ່ຊົວທາວແລະແຕ້ຈິວຫາບາງກອກເກືອບເຕັມທຸກມື້. ເນື່ອງຈາກວ່າອາຊີຕາເວັນອອກສຽງໃຕ້ແລະເຂດຊົວທາວແຕ້ຈິວມີການເຊື່ອມຈອດກັນດ້ານປະຊາຊົນ ແລະ ມີຄວາມໃກ້ຊິດດ້ານພູມສັນຖານ, ຫຼັງຈາກສາຍການບິນຊຸ່ນຊິ່ວເປີດເສັ້ນທາງການບິນໂດຍກົງແຕ່ຊົວທາວແລະແຕ້ຈິວຫາບາງກອກເມື່ອວັນທີ 18 ມັງກ່ອນຜ່ານມາ, ປັດຈຸບັນ ສອງແຫ່ງດັ່ງກ່າວ ໄດ້ມີຖ້ຽວບິນມື້ລະ 3 ຖ້ຽວແລ້ວ ຄືຕອນເຊົ້າ, ຕອນບ່າຍແລະຕອນຄ່ຳ.
ເພື່ອຕອບສະໜອງຄວາມຕ້ອງການຂອງຜູ້ໂດຍສານ, ໃນໄລຍະບຸນກຸດຈີນ, ບໍລິສັດການບິນພາກໃຕ້ສາຂາຊົວທາວ ຍັງໄດ້ເພີ່ມຖ້ຽວບິນຊົວທາວແຕ້ຈິວ-ບາງກອກເປັນການຊົ່ວຄາວ, ລວມທັງໝົດແລ້ວ ໄດ້ເພີ່ມຖ້ຽວບິນໄປ-ກັບ 40 ຖ້ຽວ.