ຕາມຂ່າວ CRI: ວັນທີ 12 ກຸມພານີ້, ວິທະຍຸສາກົນແຫ່ງປະເທດຈີນຫຼື CRI ແລະກຸ່ມບໍລິສັດການບິນຈີນຈຳກັດໄດ້ຈັດພິທີເຊັນສັນຍາຮ່ວມມືຍຸດທະສາດຢູ່ນະຄອນຫຼວງປັກກິ່ງ ສປ ຈີນ. ຕາມສັນຍາດັ່ງກ່າວ, ສອງຝ່າຍຈະດຳເນີນການຮ່ວມມືໃນດ້ານການເຜີຍແຜ່ວັດທະນະທຳ, ຜະລິດຕະພັນວັດທະນະທຳ, ການກໍ່ສ້າງເວທີວັດທະນະທຳ, ການເຜີຍແຜ່ວັດທະນະທຳຢູ່ຕ່າງປະເທດແລະອື່ນໆ, ຮ່ວມກັນເປີດສະພາບການໃໝ່ຂອງຂະແໜງການວັດທະນະທຳການບິນຈີນ.
ພ້ອມກັນນັ້ນ, ກຸ່ມບໍລິສັດການບິນຈີນຈະເລັ່ງລັດການກໍ່ສ້າງເຄືອຂ່າຍເຂົ້າອິນເຕີເນັດເທິງເຮືອບິນ Air China, ສອງຝ່າຍຈະລົງເລິກຮ່ວມມືໃນຂົງເຂດອິນເຕີເນັດດ້ານການບິນ. ທ່ານຊົ້ງຈື້ຢຸງ ຜູ້ອຳນວຍການໃຫຍ່ກຸ່ມບໍລິສັດການບິນຈີນແລະທ່ານຫວາງເກິ່ງໜຽນ ຜູ້ອຳນວຍການໃຫຍ່ວິທະຍຸ່ສາກົນແຫ່ງປະເທດຈີນໄດ້ເຂົ້າຮ່ວມພິທີເຊັນສັນຍາດັ່ງກ່າວ.