ເວລາ 13 ໂມງ 3 ນາທີຂອງວັນທີ 12 ກຸມພານີ້, ຢູ່ສູນຍິງສົ່ງດາວທຽມຊີ່ຊ່າງ, ຈີນໄດ້ໃຊ້ຈະຫຼວດສົ່ງຍານ "ຊາງເຈີ່ງ 3B" ສົ່ງດາວທຽມພາທາງເປີຍໂຕດວງທີ 28 ແລະ 29 ຢ່າງສຳເລັດຜົນ.
ດາວທຽມສອງດວງດັ່ງກ່າວ ແມ່ນດາວທຽມວົງໂຄຈອນໜ່ວຍໂລກຮູບມົນກາງ, ແມ່ນດວງທີ 5 ແລະ 6 ຂອງໂຄງການເປີຍໂຕ 3 ຂອງຈີນ. ສ່ວນການສົ່ງດາວທຽມຄັ້ງນີ້ ເປັນຄັ້ງທີ 3 ຂອງໂຄງການດັ່ງກ່າວ ແລະກໍແມ່ນວຽກງານສຸດທ້າຍຂອງຂະແໜງການບິນອະວະກາດຂອງຈີນໃນປີໄກ່ຈັນຕາມທະຄະຕິຈີນ.
ຫຼັງຈາກຂຶ້ນສູ່ອະວະກາດເປັນເວລາ 3 ຊົ່ວໂມງປາຍ, ດາວທຽມໄດ້ເຂົ້າສູ່ວົງໂຄຈອນທີ່ກຳນົດໄວ້ລ່ວງໜ້າ, ຫຼັງຈາກນັ້ນ, ຈະດຳເນີນການວັດແທກໂດຍລວມ, ການທົດລອງແລະການປະເມີນ, ພ້ອມທັງຮ່ວມກັບດາວທຽມ 4 ໜ່ວຍຂອງໂຄງການເປີຍໂຕ 3 ທີ່ສົ່ງຂຶ້ນສູ່ອະວະກາດກ່ອນໜ້ານີ້ນັ້ນ ປະກອບເປັນເຄືອຂ່າຍແລະເລີ່ມດຳເນີນງານຮ່ວມກັນ.