ຊູນຕານ ມູຮາມມັດ ທີ 5 ປະມຸກລັດສູງສຸດມາເລເຊຍ ກ່າວໃນວັນທີ 12 ກຸມພານີ້ວ່າ, ດີໃຈຫຼາຍທີ່ໄດ້ເຫັນວ່າ ປະເທດຕົນແລະຈີນໄດ້ຮັບໝາກຜົນຢ່າງຫຼວງຫຼາຍໃນການຮ່ວມມືໃນຂົງເຂດການຄ້າ, ໂຄງການໃຫຍ່ ແລະການທ່ອງທ່ຽວເປັນຕົ້ນ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນສະເໜີນັ້ນ ໄດ້ນຳເອົາໂອກາດໃໝ່ມາໃຫ້ການຮ່ວມມືທີ່ແທດເໝາະກັບຕົວຈິງລະຫວ່າງສອງປະເທດໃນທຸກຂົງເຂດ.
ຊູນຕານ ມູຮາມມັດ ໄດ້ກ່າວຄຳດັ່ງກ່າວ ໃນເວລາຮັບເອົາສານຕາຕັ້ງຈາກທ່ານ ປາຍທ່ຽນ ເອກອັກຄະລັດຖະທູດຈີນປະຈຳມາເລເຊຍຄົນໃໝ່.
ທ່ານ ປາຍທ່ຽນ ກ່າວວ່າ, ນັບແຕ່ຈີນ-ມາເລເຊຍ ສ້າງສາຍພົວພັນທາງການທູດເປັນເວລາ 44 ປີມານີ້, ສອງປະເທດໄດ້ຍຶດໝັ້ນມິດຕະພາບແລະການຮ່ວມມືຕະຫຼອດມາ, ສາຍພົວພັນສອງປະເທດໄດ້ເຂົ້າສູ່ສະພາບການພັດທະນາຢ່າງໜັກແໜ້ນ, ຮອບດ້ານ ແລະວ່ອງໄວ ເຊິ່ງໄດ້ສ້າງຜົນປະໂຫຍດຕົວຈິງໃຫ້ແກ່ປະຊາຊົນສອງຊາດຢ່າງຫຼວງຫຼາຍ.