ໜັງສືພິມ "ກົວຈີ້ຢື້ປ້າວ" ອິນໂດເນເຊຍລາຍງານໃນຫວ່າງມໍ່ໆນີ້ວ່າ, ກະຊວງປະສານງານວຽກງານທາງທະເລອິນໂດເນເຊຍໄດ້ໃຫ້ຮູ້ວ່າ, ບັນຫາເວນຄືນທີ່ດິນຂອງໂຄງການກໍ່ສ້າງທາງລົດໄຟຄວາມໄວສູງຈາກາຕາ-ບັນດຸງ ໄດ້ຮັບການແກ້ໄຂຢ່າງເຖິງຖອງໃນຫວ່າງມໍ່ໆມານີ້ ແລະຄາດວ່າ, ການກໍ່ສ້າງ ຈະເລີ່ມແຕ່ເດືອນພຶດສະພາປີນີ້ເປັນຕົ້ນໄປ.
ທ່ານ ບູດີ ຄາຢາ ຊູມາດີ ລັດຖະມົນຕີກະຊວງຄົມມະນາຄົມອິນໂດເນເຊຍກ່າວວ່າ, ຫຼັງຈາກປະຕິບັດມາດຕະການເລັ່ງດ່ວນວຽກງານເວນຄືນທີ່ດິນ, ໂຄງການທາງລົດໄຟຄວາມໄວສູງຈາກາຕາ-ບັນດຸງ ຈະເຂົ້າສູ່ໄລຍະກໍ່ສ້າງໃນໄວໆນີ້. ລັດຖະບານຫວັງວ່າຈະສຳເລັດວຽກງານເວນຄືນທີ່ດິນກ່ອນທ້າຍເດືອນເມສາ ແລະຈະໄດ້ຮັບເງິນກູ້ຈາກຈີນໃນເວລານັ້ນ.
ງົບປະມານໂຄງການກໍ່ສ້າງທາງລົດໄຟຄວາມໄວສູງຈາກາຕາ-ບັນຕຸງ ມີທັງໝົດ 5 ຕື້ 900 ລ້ານໂດລາສະຫະລັດ, ໄດ້ເລີ່ມດຳເນີນໂຄງການໃນປີ 2015, ແຕ່ຍ້ອນບໍ່ໄດ້ແກ້ໄຂບັນຫາເວນຄືນທີ່ດິນ ຈຶ່ງກາຍເວລາມາ 2 ປີ ສະນັ້ນ, ລັດຖະບານອິນໂດເນເຊຍຈຶ່ງໄດ້ແກ່ຍາວເວລາຂອງໂຄງການທີ່ຄາດໄວ້ລ່ວງໜ້າວ່າຈະໃຫ້ສຳເລັດໃນປີ 2019 ມາເປັນປີ 2020.