ກ່ອນໜ້ານີ້ບໍ່ດົນ, ທ່ານ ລຽວຕົງໄລ ປະທານສະມາຄົມຊາວຈີນມາເລເຊຍ ເຊິ່ງເປັນພັກການເມືອງໜຶ່ງທີ່ຖືຊາວຈີນເປັນພື້ນຖານທີ່ໃຫຍ່ທີ່ສຸດຂອງມາເລເຊຍ ໄດ້ກ່າວຢູ່ນະຄອນຫຼວງກົວລາລຳເປີວ່າ, ສະມາຄົມຕົນຈະສືບຕໍ່ເປັນ "ຂົວລະຫວ່າງມາເລເຊຍ-ຈີນ", ຊຸກຍູ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຢູ່ແຫ່ງຕ່າງໆໃນທົ່ວປະເທດ ແລະເຮັດໃຫ້ປະຊາຊົນໄດ້ຮັບຜົນປະໂຫຍດຈາກໂຄງການດັ່ງກ່າວ.
ກ່ອນໜ້ານີ້ບໍ່ດົນ, ສະມາຄົມຊາວຈີນມາເລເຊຍ ໄດ້ເປີດເຜີຍແຜນການ "ໜຶ່ງແລວທາງໜຶ່ງເສັ້ນທາງ" ສະບັບທີ 2, ໂດຍໄດ້ກຳນົດ 5 ຍຸດທະສາດການເຄື່ອນໄຫວທີ່ມີເປົ້າໝາຍຢ່າງຈະແຈ້ງຄື: ການຫັນປ່ຽນຮູບການພັດທະນາຂອງວິສາຫະກິດກັບການປະກອບທຸລະກິດຂອງຊາວໜຸ່ມ, ວິສາຫະກິດຂະໜາດກາງແລະນ້ອຍໄປພັດທະນາຢູ່ຕ່າງປະເທດ, ເວທີຊຸກຍູ້ການຄ້າແລະການລົງທຶນ, ເວທີຕິດຕໍ່ພົວພັນນະໂຍບາຍ "ໜຶ່ງແລວທາງໜຶ່ງເສັ້ນທາງ" ແລະ ການສຶກສາອົບຮົມ ໂດຍຫວັງວ່າຈະນຳພາວິສາຫະກິດແລະປະຊາຊົນມາເລເຊຍ ໃຫ້ໄດ້ຮັບຜົນປະໂຫຍດຈາກການຮ່ວມມື "ໜຶ່ງແລວທາງໜຶ່ງເສັ້ນທາງ" ລະຫວ່າງມາເລເຊຍ ແລະ ຈີນນັບມື້ນັບຫຼາຍຂຶ້ນ.