ກະຊວງການຄ້າຈີນເປີດເຜີຍໃນວັນທີ 13 ກຸມພານີ້ວ່າ: ໃນເດືອນມັງກອນຜ່ານມາ, ຈີນລົງທຶນຢູ່ຕ່າງປະເທດໂດຍກົງທີ່ບໍ່ແມ່ນດ້ານການທະນາຄານ ໄດ້ບັນລຸເຖິງ 10 ຕື້ 800 ລ້ານໂດລາສະຫະລັດ ເພີ່ມຂຶ້ນ 39,7% ເມື່ອທຽບໃສ່ໄລຍະດຽວກັນຂອງປີ 2017 ແລະເປັນການເພີ່ມຂຶ້ນ 3 ເດືອນຕໍ່ເນື່ອງເມື່ອທຽບໃສ່ໄລຍະດຽວກັນຂອງປີຜ່ານມາ.
ທັງນີ້ ໃນເດືອນມັງກອນຜ່ານມາ, ນັກລົງທຶນພາຍໃນປະເທດ ໄດ້ລົງທຶນໂດຍກົງຕໍ່ວິສາຫະກິດ 955 ແຫ່ງໃນ 99 ປະເທດ ແລະ ເຂດແຄວ້ນ ໂດຍບໍ່ແມ່ນການລົງທຶນດ້ານການທະນາຄານ ລວມທັງໝົດແລ້ວ 69 ຕື້ 510 ລ້ານຢວນ ຫຼື 10 ຕື້ 800 ລ້ານໂດລາສະຫະລັດ ໃນນີ້, ລົງທຶນຢູ່ 46 ປະເທດທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ" ໄດ້ບັນລຸ 1 ຕື້ 230 ລ້ານໂດລາສະຫະລັດ ເພີ່ມຂຶ້ນ 50% ເຊິ່ງຕົ້ນຕໍແມ່ນລົງທຶນຢູ່ລາວ, ສິງກະໂປ, ມາເລເຊຍ, ຫວຽດນາມ, ອິນໂດເນເຊຍ, ປາກິສະຖານ ແລະ ສິລັງກາເປັນຕົ້ນ.
