ຫຼັງຈາກໃຊ້ເວລາ 46 ມື້ ໂດຍໄດ້ຜ່ານຜ່າຄວາມຫຍຸ້ງຍາກຕ່າງໆ ເຊັ່ນ ສະພາບອາກາດທີ່ຮ້າຍແຮງ ແລະ ບັນຫາຈາກນ້ຳກ້ອນລອຍ, ເຮືອສຳຫຼວດວິທະຍາສາດ "ຊ້ຽງຢາງຫົງ 01" ຂອງຈີນໄດ້ສຳເລັດໜ້າທີ່ການສຳຫຼວດວິທະຍາສາດຢູ່ບໍລິເວນຮູບວີມະຫາສະໝຸດອັດລັງຕິກ ທີ່ນອນຢູ່ໃນໂຄງການສຳຫຼວດຂົ້ວໂລກໃຕ້ຄັ້ງທີ 34 ແລະການສຳຫຼວດວິທະຍາສາດສັງລວມມະຫາສະໝຸດຕອນທາງເດີນເຮືອຂົ້ວໂລກໃຕ້ທີ່ນອນຢູ່ໃນໂຄງການສຳຫຼວດສັງລວມມະຫາສະໝຸດອ້ອມໂລກຄັ້ງທຳອິດຂອງຈີນ ແລະ ຈະເດີນເຮືອເຖິງທ່າປຸນຕາ ອເຣນັສ ປະເທດຈີເລ ໃນຕອນຄ່ຳວັນທີ 13 ກຸມພານີ້ຕາມເວລາທ້ອງຖິ່ນ.
ນີ້ແມ່ນເຮືອ "ຊ້ຽງຢາງຫົງ 01" ປະຕິບັດໜ້າທີ່ການສຳຫຼວດວິທະຍາສາດທາງເດີນເຮືອຕອນທີ 4 ທີ່ນອນຢູ່ໃນໂຄງການສຳຫຼວດວິທະຍາສາດສັງລວມມະຫາສະໝຸດອ້ອມໂລກຄັ້ງທຳອິດຂອງຈີນ ຍາວກວ່າ 5850 ໄມທະເລ. ທ່ານຫຼີເຖກ່າງ ຫົວໜ້າສະຖາບັນຄົ້ນຄວ້າມະຫາສະໝຸດເລກໜຶ່ງ ກົມມະຫາສະໝຸດແຫ່ງຊາດຈີນ ກ່າວວ່າ: ເທື່ອນີ້ ເຮືອ "ຊ້ຽງຢາງຫົງ 01" ຕົ້ນຕໍດຳເນີນການສຳຫຼວດວິທະຍາສາດຢູ່ບໍລິເວນຮູບວີມະຫາສະໝຸດອັດລັງຕິດທີ່ໃກ້ກັບຂົ້ວໂລກໃຕ້ ກ່ອນໜ້ານີ້, ຈີນສາມາດເກັບກຳຂໍ້ມູນຢູ່ບໍລິເວນດັ່ງກ່າວໜ້ອຍຫຼາຍ ແລະການເດີນເຮືອສຳຫຼວດວິທະຍາສາດເທື່ອນີ້ ກໍເປັນການຕື່ມຂໍ້ມູນດັ່ງກ່າວໃຫ້ສົມບູນຂຶ້ນ.