ທ່ານເຜິງກ່າງ ອະດີດຫົວໜ້າພະແນກຂ່າວສານ, ການພິມຈຳໜ່າຍ, ວິທະຍຸ, ຮູບເງົາ ແລະ ໂທລະພາບເຂດກວາງຊີ ສປ ຈີນ ໄດ້ໃຫ້ຮູ້ໃນວັນທີ 13 ກຸມພານີ້ວ່າ: ໂດຍພາຍໃຕ້ການວາງແຜນເປັນເອກະພາບຂອງອົງການວິທະຍຸ-ໂທລະພາບແຫ່ງຊາດຈີນ, ກວາງຊີ ຈະຈັດກິດຈະກຳ "ສັບປະດາໂທລະພາບພິເສດບຸນກຸດຈີນ" ຢູ່ປະເທດໃນອາຊຽນ ເຊັ່ນອິນໂດເນເຊຍ, ກຳປູເຈຍ, ມາເລເຊຍ ແລະ ໄທເປັນຄັ້ງທຳອິດ ເພື່ອເສີມສ້າງໄມຕີຈິດມິດຕະພາບລະຫວ່າງປະຊາຊົນສອງຝ່າຍດ້ວຍການແລກປ່ຽນວັດທະນະທຳ.
ອຳນວຍການສະຖານີໂທລະພາບກວາງຊີ ໄດ້ໃຫ້ສຳພາດຕໍ່ນັກຂ່າວວ່າ: ວັດທະນະທຳດ້ານການກິນດື່ມ, ປະເພນີ, ຈົນກະທັ້ງພາສາທ້ອງຖິ່ນຂອງຈີນ ເຄີຍມີຜົນສະທ້ອນຕໍ່ປະເທດໃນອາຊຽນຢ່າງເລິກເຊິ່ງ ປະເທດຕ່າງໆມີຄວາມສາມາດບົ່ມຊ້ອນອັນມະຫາສານດ້ານການຮ່ວມມືໃນຂົງເຂດຕ່າງໆ ເຊັ່ນ ຂະແໜງການນະວັດຕະກຳ ແລະ ການທ່ອງທ່ຽວເປັນຕົ້ນ ເນື່ອງຈາກວ່າບຸນກຸດຈີນແມ່ນບຸນປະເພນີທີ່ສຳຄັນຂອງຊົນຊາດຈີນ ແລະນັບມື້ນັບກາຍເປັນເວທີທີ່ສະແດງວັດທະນະທຳຈີນຕໍ່ໂລກ ສະນັ້ນ, ຈຶ່ງຫວັງວ່າກິດຈະກຳດັ່ງກ່າວຈະສາມາດດຶງຄວາມຫ່າງທາງຈິດໃຈລະຫວ່າງປະຊາຊົນບັນດາປະເທດໃຫ້ຫຍັບມໍ່ເຂົ້າກັນຂຶ້ນຕື່ມອີກ.