ທ່ານຮຸນແຊນ ນາຍົກລັດຖະມົນຕີກຳປູເຈຍກ່າວຢູ່ນະຄອນຫຼວງພະນົມໃນວັນທີ 13 ກຸມພານີ້ວ່າ, ວິສາຫະກິດຕ່າງປະເທດໄດ້ເສີມຂະຫຍາຍບົດບາດສຳຄັນໃນການຊຸກຍູ້ພັດທະນາເສດຖະກິດສັງຄົມຂອງປະເທດຕົນ.
ທ່ານຮຸນແຊນກ່າວຕື່ມວ່າ, ກຳປູເຈຍຂາດບຸກຄະລາກອນມືອາຊີບຢ່າງຫຼວງຫຼາຍ, ປະເທດຕົນໃນເວລາເຊື້ອເຊີນນັກວິຊາການຕ່າງປະເທດເຂົ້າມາກໍຕ້ອງຊຸກຍູ້ແລະເພີ່ມທະວີສຶກສາອົບຮົບຕໍ່ຊັບພະຍາກອນມະນຸດຢ່າງຕັ້ງໜ້າ. ໃນປີນີ້ເປັນຕົ້ນມາ, ວິສາຫະກິດຕ່າງປະເທດໄດ້ສ້າງ ວຽກເຮັດງານທຳ 3 ແສນຕຳແໜ່ງໃຫ້ແກ່ປະເທດຕົນ.
ບົດລາຍງານສະບັບໜຶ່ງທີ່ທະນາຄານໂລກເປີດເຜີຍໃນເດືອນຕຸລາປີຜ່ານມາສະແດງໃຫ້ເຫັນວ່າ, ເຖິງວ່າເສດຖະກິດໂລກຍັງມີຄວາມບໍ່ແນ່ນອນຢ່າງຫຼວງຫຼາຍ, ແລະສິ່ງທ້າທາຍຕ່າງໆທີ່ປະເທດພັດທະນາແລ້ວແລະປະເທດພວມພັດທະນາຜະເຊີນໜ້າໄດ້ເພີ່ມຂຶ້ນກໍຕາມ, ແຕ່ວ່າເສດຖະກິດກຳປູເຈຍຍັງສາມາດຮັກສາທ່າອຽງການພັດທະນາຢ່າງໝັ້ນທ່ຽງໃນໄລຍະສັ້ນແລະໄລຍະກາງ. ບົດລາຍງານດັ່ງກ່າວຄາດວ່າປີນີ້ເສດຖະກິດກຳປູເຈຍຈະສາມາດເຕີບໂຕປະມານ 7%.