ກະຊວງປ້ອງກັນປະເທດຟີລິບປີນອອກຖະແຫຼງການໃນວັນທີ 13 ກຸມພານີ້, ໂດຍປະກາດວ່າຍົກເລີກສັນຍາຈັດຊື້ເຮລີກົບແຕເບວ 16 ລຳທີ່ລົງນາມກັບບໍລິສັດການາດາກ່ອນໜ້ານີ້.
ສັນຍາດັ່ງກ່າວທີ່ມີມູນຄ່າ 233 ລ້ານໂດລາສະຫະລັດແມ່ນກະຊວງປ້ອງກັນປະເທດຟີລິບປີນແລະບໍລິສັດການຄ້າການາດາລົງນາມໃນວັນທີ 6 ກຸມພານີ້. ແຕ່ຫຼັງຈາກນັ້ນສອງວັນ, ລັດຖະບານການາດາປະກາດຈະກວດສອບຕໍ່ສັນຍາດັ່ງກ່າວຄືນໃໝ່ໂດຍອ້າງວ່າລັດຖະບານຟີລິບປີນຊຸດປັດຈຸບັນມີການກະທຳທີ່ລ່ວງລະເມີດສິດທິມະນຸດໃນ "ການເຄື່ອນໄຫວປາບປາມຢາເສບຕິດ", ການາດາເປັນຫ່ວງວ່າເຮລິກົດແຕງວດນີ້ຈະຖືກໃຊ້ໃນເຄື່ອນໄຫວທາງການທະຫານທີ່ລ່ວງລະເມີດສິດທິມະນຸດ.
ກ່ອນໜ້ານີ້, ທ່ານໂຣດຣີໂກ ຕູເຕີເຕ ປະທານາທິບໍດີຟີລິບປີນໄດ້ຕຳນິຄວາມເວົ້າຂອງລັດຖະບານການາດາຢ່າງຮຸນແຮງ.