ກຸ່ມປະກອບອາວຸດຊົນເຜົ່າ ຄື: ພັກລັດມອນໃໝ່ ແລະ ສະຫະພັນປະຊາທິປະໄຕລາຮູຂອງມຽນມາ ໄດ້ລົງນາມໃນສັນຍາຢຸດຍິງທົ່ວປະເທດຢູ່ນະຄອນຫຼວງເນປີດໍໃນວັນທີ 13 ກຸມພານີ້, ມາຮອດປັດຈຸບັນນີ້ ກຸ່ມປະກອບອາວຸດຊົນເຜົ່າທ້ອງຖິ່ນທີ່ໄດ້ລົງນາມໃນສັນຍາດັ່ງກ່າວນັ້ນ ເພື່ອຂຶ້ນເປັນ 10 ກຸ່ມແລ້ວ. ຜູ້ຕາງໜ້າຈາກອົງການສະຫະປະຊາຊາດ, ຈີນ, ສະຫະພາບເອີຣົບ, ຍີ່ປຸ່ນ, ໄທ ແລະອິນເດຍເປັນຕົ້ນ ໄດ້ເປັນສັກຂີພິຍານ ແລະໄດ້ລົງນາມໃນສັນຍາເຊັ່ນດຽວກັນ.
ທ່ານນາງ ອອງຊານຊູຈີ ທີ່ປຶກສາແຫ່ງລັດມຽນມາ ໄດ້ກ່າວຍ້ອງຍໍຊົມເຊີຍ ແລະສະແດງຄວາມເຄົາລົບນັບຖືຕໍ່ພັກລັດມອນໃໝ່ ແລະ ສະຫະພັນປະຊາທິປະໄຕລາຮູໃນນາມປະທານສູນກາງປອງດອງຊາດແລະສັນຕິພາບ. ນາງ ອອງຊານຊູຈີ ກ່າວວ່າ, ສັນຍາຢຸດຍິງທົ່ວປະເທດ ບໍ່ແມ່ນຈຸດໝາຍປາຍທາງໃນຂະບວນການສັນຕິພາບ, ແຕ່ແມ່ນຈຸດເລີ່ມຕົ້ນຂອງການປຶກສາຫາລືທາງການເມືອງ ແລະແມ່ນຈຸດເລີ່ມຕົ້ນຂອງການລົບລ້າງການຂົ່ມຂູ່ດ້ວຍກຳລັງອາວຸດ.