ຕາມຂ່າວສານຈີນ: ວັນທີ 14 ກຸມພານີ້, ທ່ານເຣັກສ໌ ຕິເລີຊັນ ລັດຖະມົນຕີກະຊວງການຕ່າງປະເທດອາເມລິກາໄດ້ອອກຖະແຫຼງການເພື່ອອວຍພອນປີໃໝ່ຕາມຈັນທະຄະຕິຈີນ ໂດຍຫວັງໃຫ້ໝົດທຸກຄົນຈົ່ງປະສົບຜົນສຳເລັດແລະໂອກາດທີ່ໃຫຍ່ກວ່າເກົ່າໃນປີຈໍ.
ທ່ານຕິເລີຊັນກ່າວໃນຖະແຫຼງການວ່າ: ເນື່ອງໃນໂອກາດປີໃໝ່ຈີນ 2018 ທີ່ຈະວຽນມາເຖິງໃນວັນທີ 16 ກຸມພານີ້, ຂໍຕາງໜ້າລັດຖະບານອາເມລິກາ, ອວຍພອນໃຫ້ປະຊາຊົນທົ່ວໂລກຈົ່ງມີສຸຂະພາບເຂັ້ມແຂງ ສັນຕິພາບ ແລະຄວາມຈະເລີນຮຸ່ງເຮືອງ.
ທ່ານຕິເລີຊັນຍັງກ່າວຕື່ມວ່າ: ຂໍໃຫ້ພວກເຮົາສືບຕໍ່ທຳຄວາມພະຍາຍາມເພື່ອຊຸກຍູ້ໃຫ້ມີການຮ່ວມມືທີ່ແໜ້ນແຟ້ນກວ່າເກົ່າ, ຊຸກຍູ້ຄວາມເຂົ້າໃຈເຊິ່ງກັນແລະກັນ, ແລະສ້າງໂລກທີ່ດີງາມກວ່າເກົ່າໃຫ້ແກ່ຕົນເອງກໍຄືລູກຫຼານຂອງພວກເຮົາ.
 |
