ເນື່ອງໃນໂອກາດປີຈໍຫຼືປີໝາຕາມຈັນທະຄະຕິຈີນວຽນມາຮອດ, ທ່ານມາມນູນ ຮູເຊນ ປະທານາທິບໍດີປາກີສະຖານໄດ້ສົ່ງຈົດໝາຍອວຍພອນປີໃໝ່ໄປຍັງປະຊາຊົນຈີນຈີນ, ໂດຍຫວັງວ່າໃນປີໃໝ່, ປາກີສະຖານກັບຈີນຈະເພີ່ມທະວີການຮ່ວມມືແລະແລກປ່ຽນກັນໃນຂົງເຂດຕ່າງໆຕື່ມອີກ, ຊຸກຍູ້ການສ້າງສາລະບຽງເສດຖະກິດຈີນ-ປາກີສະຖານໃຫ້ໄດ້ຮັບການຄືບໜ້າຢ່າງບໍ່ຢຸດຢັ້ງ.
ໃນສຸດທ້າຍຂອງຈົດໝາຍອວຍພອນ, ທ່ານຮູເຊນກ່າວວ່າ, ຂ້າພະເຈົ້າຫວັງ ຢ່າງຈິງໃຈວ່າ, ພາຍໃຕ້ການນຳພາອັນຍິ່ງໃຫຍ່ຂອງທ່ານສີຈີ້ນຜິງ ປະທານປະເທດຈີນແລະພັກກອມມູນິດຈີນ, ຈີນຈະສືບຕໍ່ຮັກສາທ່ວງທ່າທີ່ພັດທະນາຢ່າງຮຸ່ງເຮືອງໃນປີໃໝ່, ຂໍອວຍພອນໃຫ້ມິດຕະພາບແລະຄວາມຮັກແພງແບບອ້າຍນ້ອງກັນລະຫວ່າງປາກີສະຖານກັບຈີນຂະຫຍາຍຕົວໄປໜ້າໃນປີ 2018. ຂໍໃຫ້ມິດຕະພາບປາກີສະຖານ-ຈີນສືບທອດກັນໄປຕະຫຼອດທຸກເຊັ່ນຄົນ.
