ວັນທີ 14 ກຸມພານີ້, ທ່ານມີແຊວ ມີວເລີ ຜູ້ອຳນວຍການໃຫຍ່ສຳນັກງານໃຫຍ່ອົງການສະຫະປະຊາຊາດເຊີແນວກ່າວວ່າ,ສະຫະປະຊາຊາດໃຫ້ຄວາມສຳຄັນຕໍ່ຖານະແລະບົດບາດຂອງຈີນຢ່າງສູງ.
ມື້ດຽວກັນ, ໃນເວລາພົບປະທ່ານອີ໋ຈ້ຽນຮວາ ຜູ້ຕາງໜ້າຈີນຜູ້ໃໝ່ທີ່ປະຈຳສຳນັກງານເຊີແນວຂອງອົງການສະຫະປະຊາຊາດ ແລະ ອົງການຈັດຕັ້ງສາກົນອື່ນໆຂອງສວິສກ່າວວ່າ, ສະຫະປະຊາຊາດຍິນດີຮ່ວມມືກັບຈີນ ເພື່ອຊຸກຍູ້ປະຊາຄົມໂລກຮ່ວມມືກັນດີກວ່າເກົ່າໃນເວລາຮັບມືກັບສິ່ງທ້າທາຍທົ່ວໂລກ.
ທ່ານອີ໋ຈ້ຽນຮວາກ່າວວ່າ, ຈີນຈະສືບຕໍ່ເສີມຂະຫຍາຍບົດບາດທີ່ເປັນປະເທດໃຫຍ່ທີ່ຮັບຜິດຊອບ, ຕັ້ງໜ້າລົງເລິກເຂົ້າຮ່ວມການປະຕິຮູບ ແລະ ການສ້າງສາລະບຽບການຄຸ້ມຄອງບໍລິຫານທົ່ວໂລກ, ເພີ່ມທະວີການຮ່ວມມືກັບສະຫະປະຊາຊາດ, ພ້ອມທັງປະກອບສ່ວນຫຼາຍກວ່າເກົ່າເພື່ອສ້າງການພົວພັນສາກົນແບບໃໝ່ ແລະ ສ້າງປະຊາຄົມຮ່ວມຊາຕາກຳຂອງທົ່ວມວນມະນຸດ.