ເປົ້າໝາຍຜະລິດທັນຍາຫານຂອງຈີນປີນີ້ໄດ້ກຳນົດຢ່າງຄັກແນ່ແລ້ວຄື: ໃຫ້ຮັກສາຈຳນວນຜົນຜະລິດຫຼາຍກວ່າ 600 ລ້ານໂຕນ, ຮັບປະກັນຄວາມປອດໄພດ້ານທັນຍາຫານຢ່າງເດັດຂາດ. ໃນຂະນະດຽວກັນ, ບູລະນະກົນໄກກຳນົດລາຄາທັນຍາຫານແລະລະບຽບການເກັບກ່ຽວແລະສະສົມ, ປັບປຸງກົນໄກເຊີຍໄຊ້ຜົນປະໂຫຍດຂອງເຂດຜະລິດຕົ້ນຕໍ.
ອີງຕາມຈຸດໜັກວຽກງານຂອງຂະແໜງການປູກຝັງ 2018 ທີ່ກະຊວງກະສິກຳຈີນປະກາດໃນຫວ່າງມໍ່ໆນີ້, ໃນດ້ານທັນຍາຫານໃຫ້ຮັກສາລາຄາຈັດຊື້ຕ່ຳສຸດຂອງເຂົ້າເປືອກແລະເຂົ້າເບຼ, ປົກປັກຮັກສາຄວາມຫ້າວຫັນຂອງຊາວກະສິກອນໃນການປູກທັນຍາຫານແລະຄວາມຫ້າວຫັນຂອງອົງການປົກຄອງທ້ອງຖິ່ນໃນການຊື້ທັນຍາຫານ; ເພີ່ມທະວີການໂຄສະນານະໂຍບາຍ, ຊີ້ນຳຊາວກະສິກອນໃຫ້ປັບປຸງໂຄງປະກອບການປູກຝັງຢ່າງສົມເຫດສົມຜົນ, ຕັ້ງໜ້າຮັກສາເນື້ອທີ່ປູກຝັງທັນຍາຫານກິນເຊັ່ນ ເຂົ້າເປືອກແລະເຂົ້າເບຼເປັນຕົ້ນຢູ່ໃນ 53 ລ້ານເຮັກຕາ.
