(ຈັດງານສະຫຼອງບຸນກຸດຈີນຢູ່ຕາມທາງລົດໄຟທີ່ເກນຢາ)
ຕາມຂ່າວ CRI: ຕອນຄ່ຳວັນທີ 14 ກຸມພານີ້ ເວລາທ້ອງຖີ່ນ, ຢູ່ສະຖານີລົດໄຟພາກໃຕ້ຕອນເນໂລບີຂອງທາງລົດໄຟມົງບາຊາ-ເນໂລບີຂອງເກນຢາເຕັມໄປດ້ວຍບັນຍາກາດທີ່ເບີກບານມ່ວນຊື່ນ, ງານສະຫຼອງບຸນກຸດຈີນ 2018 ທີ່ສະຖາບັນຂົງຈື້ຂອງມະຫາວິທະຍາໄລເນໂລບີຈັດຂຶ້ນເພື່ອຢື້ຢາມຖາມຂ່າວພະນັກງານທາງລົດໄຟດັ່ງ່ກາວນັ້ນໄດ້ຈັດຂຶ້ນໃນທ່າມກາງສຽງລົດໄຟແລ່ນຈາກທາງໄກມາ.
ເຊິ່ງງານສະແດງສິນລະປະດັ່ງກ່າວຈັດຂຶ້ນຢູ່ໄກ້ຫ້ອງສາງສ້ອມແປງຕູ້ລົດໄຟຂອງສະຖານີລົດໄຟ, ການສະແດງທີ່ຍອດຢ້ຽມຂອງຄູອາຈານ ນັກສຶກສານັກຮຽນສະຖາບັນຂົງຈື້ຂອງມະຫາວິທະຍາໄລເນໂລບີໄດ້ພາໃຫ້ຜູ້ຊົມຕົບມືຊົມເຊີຍຂຶ້ນເລື້ອຍໆ!
ທາງລົດໄຟມົງບາຊາ-ເນໂລບີທີ່ຈີນເປັນຜູ້ຊ່ວຍສ້າງນັ້ນແມ່ນສ້າງສຳເລັດໃຫ້ບໍລິການແຕ່ວັນທີ 31 ພຶດສະພາ 2017, ເປັນທາງລົດໄຟທີ່ສ້າງໃໝ່ສາຍທຳອິດຂອງເກນຢາໃນຮອບ 100 ປີມາ. ນັບມາຮອດວັນທີ 14 ກຸມພາ 2018 ທາງລົດໄຟດັ່ງກ່າວໄດ້ບັນທຸກຂົນສົ່ງຜູ້ໂດຍສານຫຼາຍກວ່າ 8 ແສນ 9 ໝື່ນເທື່ອຄົນແລ້ວ.
