(ຈັດງານສະແດງສິນລະປະສະຫຼອງປີໃໝ່ກຸດຈີນ 2018 ຢູ່ມຽນມາ)
ຕາມຂ່າວ CRI: ງານສະແດງສິນລະປະສະເຫຼີມສະຫຼອງປີໃໝ່ກຸດຈີນ 2018 ໄດ້ຈັດຂຶ້ນຢູ່ນະຄອນຢາງກຸງຂອງມຽນມາ ອັນໄດ້ດຶງດູດຜູ້ຊົມຈາກວົງການຕ່າງໆຂອງມຽນມາພັນກວ່າຄົນເຂົ້າຊົມ.
ງານສະແດງດັ່ງກ່າວຈັດຂຶ້ນໂດຍສະຖານທູດຈີນປະຈຳມຽນມາ, ກະຊວງສາສະໜາແລະວັດທະນະທຳມຽນມາ ແລະພະແນກວັດທະນະທຳແຂວງຢຸນນານຈີນ.
ໃນເວລາປະກອບຄຳຄິດຄຳເຫັນ, ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນກ່າວວ່າ, ຄຽງຄູ່ກັບຈີນນັບມື້ນັບໄຂປະຕູສູ່ພາຍນອກ, ນັບມື້ນັບເດີນໄປສູ່ໂລກ, ບຸນກຸດຈີນກໍ່ນັບມື້ນັບກາຍເປັນວັນບຸນຂອງທົ່ວໂລກ, ເຊິ່ງພວມກາຍເປັນຂົວຕໍ່ມິດຕະພາບລະຫວ່າງປະຊາຊົນຈີນກັບບັນດາປະເທດໃນໂລກ. ຢູ່ມຽນມາ ບຸນກຸດຈີນກໍ່ໄດ້ກາຍເປັນມື້ບຸນທີ່ສຳຄັນສຳລັບໃຫ້ຊາວຈີນທີ່ຢູ່ມຽນມາສະຫຼອງຮ່ວມກັນກັບປະຊາຊົນບັນດາເຜົ່າມຽນມາ, ຍິ່ງເປັນເວທີທີ່ສຳຄັນໃນການເພີ່ມພຸນມິດຕະພາບລະຫວ່າງຈີນ-ມຽນມາ.