ກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານຈີນແຈ້ງວ່າ, ປີກາຍນີ້, ການຜະລິດ ແລະ ການສົ່ງອອກຂອງຂະແໜງການອຸປະກອນໂທລະຄົມຂອງຈີນໄດ້ມີການເຕີບໂຕຢ່າງໄວ ເຊິ່ງໄດ້ຜະລິດໂທລະສັບມືຖື 1 ຕື້ 900 ລ້ານໜ່ວຍໃນປີ 2017, ມູນຄ່າຜະລິດຕະພັນທີ່ສົ່ງອອກໃນຕົວຈິງເພີ່ມຂຶ້ນ 13,9%.
ປີກາຍນີ້, ຂະແໜງການຜະລິດດ້ານຂໍ້ມູນຂ່າວສານເອເລັກໂດຼນິກຈີນພັດທະນາຢ່າງວ່ອງໄວ, ຈັງຫວະການເຕີບໂຕດ້ານການຜະລິດ ແລະ ການລົງທຶນແມ່ນຢູ່ແຖງໜ້າຂອງຂະແໜງການຕ່າງໆຂອງອຸດສາຫະກຳ, ສະພາບການສົ່ງອອກຂາຍນອກກໍ່ຟື້ນຕົວດີຂຶ້ນຢ່າງເດັ່ນຊັດ, ປະສິດທິຜົນ ແລະ ຄຸນນະພາບຍົກສູງຢ່າງຕໍ່ເນື່ອງ. ມູນຄ່າເພີ່ມຂຶ້ນຂອງຂະແໜງການຜະລິດດ້ານຂໍ້ມູນຂ່າວສານເອເລັກໂດຼນິກເພິ່ມຂຶ້ນ 13,8%.
ໃນນັ້ນ, ປະລິມານການຜະລິດສະມາດໂຟນກວມ 74,3% ຂອງການຜະລິດມືຖືທັງໝົດ, ການຜະລິດເຄື່ອງອຸປະກອນຄອມພີວເຕີຂະໜາດນ້ອຍໄດ້ເພີ່ມຂຶ້ນ 6,8%, ປະລິມານການຜະລິດໂທລະພາບແບບສະມາດກໍ່ໄດ້ເພີ່ມຂຶ້ນຢ່າງຫຼວງຫຼາຍ.
ທ່ານຈ່ຽງເຟີ່ງ ຫົວໜ້າວິສາວະກອນຂອງກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານຈີນເຫັນວ່າ, ການປັບປຸງຂະແໜງການຜະລິດດ້ານຂໍ້ມູນຂ່າວສານເອເລັກໂດຼນິດສຳຄັນຕ້ອງສຸມໃສ່ເຕັກນິດ, ຄຸນນະພາບ ແລະ ການສ້າງຍີ່ຫໍ້. ຕໍ່ມາ, ຈີນຈະເນັ້ນການບຸກທະລຸໃນດ້ານເຕັກນິກແກນກາງສຳຄັນທີ່ມີລັກສະນະຮ່ວມ, ເພີ່ມທະວີຄວາມສາມາດປະດິດສ້າງແບບຮ່ວມໝູ່ ແລະ ຄວາມສາມາດການນຳໃຊ້ທີ່ສົມຄູ່ກັນ.
