ຫວ່າງມໍ່ໆນີ້, ທ່ານວ້ານກ່າງ ປະທານສະມາຄົມວິທະຍາສາດເຕັກນິກຈີນກ່າວວ່າ, ປີ 2017, ຈຳນວນງົບປະມານຄົ້ນຄວ້າ ແລະ ຜະລິດຂອງຈີນເປັນອັນດັບທີ 2 ໃນໂລກ, ຈຳນວນພະນັກງານທີ່ເຮັດວຽກການຄົ້ນຄວ້າສະເພາະເປັນອັນດັບທີ 1 ໃນໂລກ, ປະລິມານຮ້ອງຂໍຂຶ້ນທະບຽນລິຂະສິດການປະດິດສ້າງເປັນອັນດັບທີ 1 ໃນໂລກເປັນເວລາ 7 ປີລຽນຕິດ.
ຕົວເລກທີ່ກົມສິດຊັບສິນທາງປັນຍາແຫ່ງຊາດຈີນປະກາດໃນຫວ່າງມໍ່ໆນີ້ສະແດງໃຫ້ເຫັນວ່າ, ນັບມາຮອດທ້າຍປີ 2017, ປະລິມານລິຂະສິດການປະດິດສ້າງຂອງຈີນ ເຊິ່ງບໍ່ລວມທັງຮົງກົງ, ມາກາວ ແລະ ໄຕ້ຫວັນ ແມ່ນ 1 ລ້ານ 3 ແສນ 5 ໝື່ນ 6 ພັນສະບັບ, ປະລິມານລິຂະສິດການປະດິດສ້າງສະເລ່ຍແຕ່ລະໝື່ນຄົນແມ່ນ 9,8 ສະບັບ.
ຜູ້ຊ່ຽວຊານວິເຄາະເຫັນວ່າ, ໃນຫຼາຍປີມໍ່ໆມານີ້, ປະລິມານລິຂະສິດການປະດິດສ້າງຂອງຈີນໄດ້ເພີ່ມຂຶ້ນຢ່າງໝັ້ງທ່ຽງ, ໂດຍສະເພາະຢູ່ເຂດຈຸດໜັກແຫ່ງລັດ ຄື, ເຂດບໍລິເວນນະຄອນຫຼວງປັກກິ່ງ-ນະຄອນທ່ຽນສິນ-ແຂວງເຮີເປ ພ້ອມທັງແລວທາງເສດຖະກິດແມ່ນ້ຳຢາງຊີກຽງ, ມີສະພາບການຈັດສັນຮ້ອງຂໍລິຂະສິດເປັນຢ່າງດີ. ນອກນີ້, ການຜູ້ຮ້ອງຂໍຂຶ້ນທະບຽນລິຂະສິດການປະດິດສ້າງຢູ່ຕ່າງປະເທດຂອງຈີນກໍ່ໄດ້ເພີ່ມຂຶ້ນຢ່າງໝັ້ນທ່ຽງ.
