ຕາມຂ່າວ CRI: ວັນທີ 17 ກຸມພານີ້, ທ່ານຈີນ ຄຼອດ ຈູນເຄີ ປະທານຄະນະກຳມາທິການສະຫະພາບເອີຣົບໄດ້ກ່າວຄຳປາໄສໃນກອງປະຊຸມຄວາມໝັ້ນຄົງມູນິດເຢຍລະມັນວ່າ: ສະຫະພາບເອີຣົບຄວນປັບລະບຽນການຕັດສິນນະໂຍບາຍດ້ານການປ້ອງກັນຮ່ວມແລະຄວາມໝັ້ນຄົງໃຫ້ກະທັດຮັດ. ທ່ານກ່າວວ່າ: ລະບຽບການຕັດສິນນະໂຍບາຍດ້ານການປ້ອງກັນຮ່ວມແລະຄວາມໝັ້ນຄົງຂອງສະຫະພາບເອີຣົບບໍ່ຄວນສືບຕໍ່ປະຕິບັດຕາມຫຼັກການທີ່"ຮັບຮອງຢ່າງເປັນເອກະພາບກັນ", ຫາກຄວນປະຕິບັດຕາມຫຼັກການທີ່"ຕ້ອງໄດ້ຮັບບັດເຫັນດີຈາກສະມາຊິກສ່ວນຫຼາຍ"ເພື່ອເຮັດໃຫ້ລະບຽບການຕັດສິນນະໂຍບາຍເປັນແບບກະທັດຮັດ ແລະຍົກສູງປະສິດທິພາບຕັດສິນນະໂຍບາຍ. ທ່ານຈູນເຄີຍັງຮຽກຮ້ອງໃຫ້ປັບລະບຽບການເກັບຊື້ຍຸດໂທປະກອນຂອງສະຫະພາບເອີຣົບໃຫ້ກະທັດຮັດ, ເພີ່ມງົບປະມານໃຊ້ເຂົ້າໃນການຄົ້ນຄວ້າໃນຂົງເຂດປ້ອງກັນ.
ກອງປະຊຸມຄວາມໝັ້ນຄົງມູນິດຄັ້ງທີ 54 ທີ່ດຳເນີນເປັນເວລາ 3 ວັນໄດ້ໄຂຂຶ້ນໃນວັນທີ 16 ກຸມພານີ້.