ງານສາຍຮູບເງົາຈີນທີ່ມີສະຖານທູດຈີນປະຈຳມຽນມາເປັນເຈົ້າພາບໄດ້ຈັດຂຶ້ນຢູ່ນະຄອນຢາງກຸ້ງປະເທດມຽນມາໃນວັນທີ 17 ກຸມພານີ້ ໂດຍຮູບເງົາຈີນທີ່ພາກສຽງເປັນພາສາມຽນມາໄດ້ຮັບຄວາມນິຍົມຊົມຊອບຈາກຜູ້ຊົມທັງຫຼາຍ.
ງານສາຍຮູບເງົາຈີນຄັ້ງນີ້ຮ່ວມຈັດຂຶ້ນໂດຍສະຖານທູດຈີນປະຈຳມຽນມາ ແລະຄະນະໂຄສະນາອົບຮົມມຽນມາ, ທ່ານຮົງລ້ຽງ ເອກອັກຄະລັດຖະທູດຈີນປະຈຳມຽນມາກ່າວວ່າ: ໃນອະນາຄົດຈະຈັດກິດຈະກຳສາຍຮູບເງົາຈີນຄືແນວນີ້ເປັນປະຈຳ.
ທ່ານເປມິນ ຫົວໜ້າຄະນະໂຄສະນາອົບຮົມມຽນມາກ່າວວ່າ: ໂດຍຜ່ານການເບິ່ງຮູບເງົາຈີນ, ປະຊາຊົນມຽນມາຈະສາມາດເຂົ້າໃຈການກະທຳ ແລະຄວາມຄິດຂອງປະຊາຊົນຈີນໄດ້ຢ່າງເລິກເຊິ່ງ ແລະຮັດແໜ້ນໄມຕີຈິດມິດຕະພາບລະຫວ່າງສອງປະເທດ.
ທ່ານຮົງລ້ຽງ ແລະທ່ານເປມິນກໍກ່າວວ່າ: ຖ້າມີໂອກາດກໍຈະນຳເອົາຮູບເງົາທີ່ດີຂອງມຽນມາໄປສາຍໃຫ້ປະຊາຊົນຈີນເບິ່ງ.
ກິດຈະກຳສາຍຮູບເງົາຈີນເທື່ອນີ້ຈະດຳເນີນເປັນເວລາ 1 ອາທິດຢູ່ເທດສະບານຂອງ 11 ແຂວງ ແລະລັດ ເຊັ່ນ ນະຄອນມັນດາເລ, ຕອງກີ ແລະນະຄອນຫຼວງເນປີດໍ.